Segun Fraccion di MEP: Hulanda ta sumamente desapunta den Nederlandse hoop in het westen, Mike Eman, een mislukking.
ORANJESTAD (AAN): “Mike Eman, Nederlandse hoop in het westen, inmiddels een mislukking. Financiele catastrofe, stagnerende economie, toenemende armoede”.
Mike Eman e ehemplo di Hulanda pa e Caraibische Nederlanden. Waar ging het mis? Unda a bay malo? Esaki ta e pregunta den cirquito politico na Hulanda y tambe den pueblo na Aruba.
Tin hende tin e opinion cu ta Emanismo ta asina, ta referi na similitudnan cu Gabinete Henny Eman. Talvez Mike Eman a kies pa Ministronan cu no conoce e sector gubernamental enbez di Ministronan Herde, Lee y Dammers?
Mike Eman a kies cantidad di coordinador envez di calidad? E plaka pa apunta conseheronan gubernamental real a bay pa pago di amigonan cu a bira experto riba tur tereno?
Un cos ta bisto Gabinete Mike Eman a faya pasobra e no tin e solucion adecuado pa problemanan di e pais. A elimina e contribucion di e aparato gubernamental. A corta su mes kitamento mita di BBO. Enfin e factura final ta na caminda.
Ni cuento bo paga periodistanan pa tapa fayonan gubernamental ta yega un momento cu abo como gobierno ta contra muraya dilanti un pueblo cu no por mas.
Awor Mike Eman mester sigui ehemplo di Hulanda y yama elecion pero esaki no lo pasa. No ta keda nada otro e poder di rosea di pueblo.Ta akinan ta unda e preocupacionan di Hulanda ta sinta. Con lew un pueblo oprimi ta willing pa bay? Fraccion di MEP mientras tanto ta sigui carga su responsabilidad como controlador di gobierno den parlamento. Como parti di esaki lo haci gobierno e siquiente preguntanan pa haci gobierno consciente di e situacion cu e pueblo ta enfrentando:
1. WEB/ELMAR: Cuanto cliente (cas/negoshi) awendia ta paga nan cuenta despues di e “uiterlijke datum”? Cuanto porciento esaki a subi of baha desde 2009?
2. Banconan/Instancianan Financiero/FCCA: Cuanto clientenan awendia ta atrasa cu nan pagonan? Esaki ta un subida of bahada desde 2009?
3. Instancianan social: Cuanto famia mas a bin acerca pa ayudo social? Cuanto famia mas a bin acerca pa cu ayudo cu cuminda?
4. Sociale Zaken: Cuanto famia a bin acerca pa onderstand? Cuanto prociento esaki ta di subida?
5. General: Puntra bo mes cuanto bon e negoshinan di credito ariba benta of empenjo di oro y articulonan di balor a bira paso e Arubiano no por yega fin di luna cu su gastonan cu a subi.
6. Cuanto persona a perde trabao desde 2009?
7. Cuanto hoben a cai den man di husticia desde 2009?
8. Cuanto cas a bay na vindishi desde 2009?
9. Cuanto persona o negoshi a perde propiedad door di impuesto desde 2009?
10.Cuanto empresa a cera desde 2009?
Fraccion di MEP ta urgi Gobierno pa laga haci un investigacion pa contestanan riba e preguntanan menciona.
