Home General Servicio online di DIMAS lo haci cu proceso di permisonan lo ta...

Servicio online di DIMAS lo haci cu proceso di permisonan lo ta mas liher

6
0
SHARE
- Advertisement -

Segun Kathy Paskel:

ORANJESTAD   (AAN): Den entrevista cu Kathy Paskel, directora di DIMAS, el a laga sa cu nan espacio pa ricibi cliente no ta grandi. Nan tin den mira unda e lugar nobo lo bay ta. E lo ta unda ex Ontvanger Kantoor den Paardenbaaistraat.

      Na juni lo bay tin e destaho publico. Augustus of September lo bay tin un edificio mas espacioso caminda nan lo atende nan clientenan. Pa 15 mil permiso ta worde atendi pa renobacion y prolongacion pa aña. Tambe ta atende e prome permiso y tambe prolongacion.

    Loke ta haci e servicio mas facil ta cu online por haci e cita, kies nan dia y nan ora y nan mes por bin haci nan entrega segun un ora stipula. Di e manera ey ta regula tambe cu e clientenan ta reparti den full e dia. Esun cu ta bin pa servicio mesun dia ta coy un number y esey ta worde atendi segun orden di yegada.

    Por bisa cu desde cu a introduci e sistema nobo di traha cu unidad, tres unidad cada un cu un cartera di producto cu nan ta atende, por mira un mehoracion den e velocidad cu e peticionnan ta keda cla. Ta midi esaki aan de hand di e cifranan.

     Si mira esunnan di aña pasa, april te cu maart e aña aki, cual ta net un aña cu ta funciona cu e unidad, por mira cu 90% ta kedando cla den 12 siman y esaki ta segun ley ta stipula tambe. E ley ta duna tambe e posibilidad pa extende e termino ey pa 12 siman mas.

    A base di 24 siman di periodo por bisa cu un 97% ta rond af den e periodo segun ley stipula.

     Señora Paskel ta hopi satisfecho con e unitnan ta canando. Lo keda monitor caminda por bira miho pasobra den ley nobo cu ta na caminda pa LTU e lo dura seis siman pa DIMAS duna un contesta pa un permiso nobo y lo por prolong’e den casonan dificil cu 4 siman mas. Riba esey ta anticipando caba y ta evaluando e procesonan, haciendo nan mas eficiente y segun Señora Paskel, hopi di e clientenan ta wak esey caba.

   Na Aruba, na momento cu e termino yega manera actualmente e ley ta 12 siman, si no a manda un carta di antemano cu ta prolong’e cu 12 siman mas, e lo nifica cu e hende ey por cuminsa un procedura di apelacion. Apelacion ta encera cu e hende ta bisa cu su peticion a worde ficticiamente nenga. E ora ey ta tuma un decision. E por ta di acuerdo cu e decision real y un biaha mas e por bay den apelacion.

    E sistema con e ley ta hinca den otro cu na momento cu e termino pasa, tin seis siman di tempo cu ta bay entrega e peticion como si fuera cu gobierno a neng’e. Tin tramitador tambe ta haci e peticionnan pero tin momentonan cu e persona mester t’ey personalmente.

    Tin cu den prome fase ta uza tramitador y e ta keda escogencia propio si algo bay robes.  Na mas cu un idioma riba e website di DIMAS por haya tur e documentonan necesario pa peticion entrante dia 1 di mei. Esey ta pa baha e drempel mas cu e cliente por lesa den su propio idioma, loke e tin cu trece pa e por aplica y hacie menos dependiente di otronan. Esaki ta pa facilita e clientenan y hacie cu nan no mester extra gastonan innecesariamente.

- Advertisement -

DUNA COMENTARIO

Please enter your comment!
Please enter your name here