Temporada 2013 lo priminti di bira uno hopi miho pa loke ta turismo crucero
Alfonso Boekhoudt di APA:
ORANJESTAD(AAN): Den entrevista cu Alfonso Boekhoudt a puntre con e temporada crucero abao ta pa e aña aki. Ta un temporada cu hopi operador di tour ta depende di dje.
Segun e director di APA ta compronde cu e infrastructura di tour ta bin na peliger. Awor ta keda enfoca pa keda crece e industria den temporadanan abao tambe. APA no kier mira esaki sosode. A cambia e enfoke hopi y ta den liña di maneho di gobierno tambe pa enfoca con lo bay percura pa por crece e industria den e temporada abao. A bin cu paketenan di incentivo di parti di APA specificamente pa e lunanan aki.
A anuncia esaki na comienso di aña. E tabata demasiado laat pa prepara pa e impacto di temporada abao di 2012. Alfonso Boekhoudt director di APA a splica cu e temporada abao di 2012 ta miho cu 2011. Esun di 2013 ya caba ta birando miho tambe…
E paketenan di incentivonan a cuminsa duna su efecto. A cuminsa haya reservacionnan extra pa e temporada abao pa motibo cu a cuminsa pone enfasis y enfoke y e recursonan cu tin pa duna incentivo mas pa e temporada abao cu enbes di temporada halto. No ta haci hopi sentido pa incentiva e barconan den temporada halto pasobra ya caba ta na e limite. Segun e infrastructura cu tin awor aki di loke por crece den e temporada halto, como tal ta aplica e recursonan financiero pa e temporada abao.
Pronto lo cuminsa na anuncia cual ta e barconan y cua ta e callsnan cu lo bay worde anuncia den 2013 padilanti. Alfonso Boekhoudt director di APA a splica cu e temporada halto ta uno importante pa e mundo crucero mes. Gran mayoria di e turistanan ta bin di Norte America. Nan ta bay riba nan crucero durante e invierno y como tal e temporada halto ta e temporada cu ta benta pa Norte America. Awor a cuminsa enfoca den otro areanan pa asina trece e turista cu ta coy un crucero den zomer.
E director di APA a splica cu e Mercado Europeo tambe ta algo cu nan kier trece preparando un bon plan den otro. Naturalmente no mester perde bista riba e turistanan Mericano cu si ta tuma un crucero den zomer. Pa eseynan tambe APA a pone un programa cu ta purba di atrae tur dos. E mercado di Norte America, cu tradicionalmente si ta bay tuma un cruise den zomer, pero cu ta un cantidad menos y como tambe e mercado Europeo pa asina por atrae barconan crucero Europeo pa bin na nos Isla. Loke ta atrae e turistanan ta keda experiencia cu nan tin na nos isla di un isla pacifico.
Sigur pa anda riba dje y cu ta brinda e momentonan di relahamento cu nan ta busca riba e destinacion. Esey ta atractivo tanto pa e turistanan Mericano como pa e turistanan Europeo. E mesun mix di loke isla tin pa brinda pa e turistanan Mericano ta atrae esunnan Europeo. Si islanan den reino den e region aki cera cabez e por duna su fruto. Ta trahando pa duna un combinacion pa asina logra un crucero cambia su destinacion.
Barconan no ta bay cambia su ruta pa un isla. E ta cambia su ruta pa un itinerario, como tal e tin hopi sentido pa por focus hunto cu otro destinacionnan riba e industria. Ta trahando riba un pakete nobo pa e mundo crucero pa por combina experiencianan di diferente destinacion pa asina por atrae mas barco… E cruceronan di mas grandi entrenanto Top 5 di mundo ta bishitando nos isla segun Alfonso Boekhoudt.
Tin 12 liña crucero cu ta biniendo Aruba awo ki. Enfoke awor aki como tal ta awor aki e mercado Europeo caminda tin liñanan crucero mas chikito, cu si ta biaha den Caribe den zomer y ta purbando di atrae eseynan tambe.
