Home General Tin 89 diferente nacionalidad registra na DIMAS cu tin permiso

Tin 89 diferente nacionalidad registra na DIMAS cu tin permiso

3
0
SHARE
- Advertisement -

Colombianonan ta encabeza e lista sigui pa Chinesnan y Venezolanonan

ORANJESTAD    (AAN):   Kathy Paskel, directora di DIMAS a laga sa den entrevista cu DIARIO cu e cantidad di peticionnan pa permiso no a fluctua asina tanto tur aña. E ta varia entre 14 mil y un tiki mas cu 15 mil.

    Tin un ultimo dato di 89 nacionalidad registra na DIMAS cu tin permiso na Aruba. E ta un variacion hopi grandi di hendenan cu ta cu permiso na Aruba y no ta solamente Chines. Tin tur nacionalidad.

    E top nacionalidad ta di Colombia, Chines, Venezuela y tambe esnan di Reino mes. Tin hopi otro nacionalidadnan pa un motibo of otro. Tambe tin cu ta bin pa studia y tin cu ta rentenier, a señala.

   E maneho actual ta online tambe y por worde baha. Eyden por lesa tur locual ta e rekisitonan pa estadia di cada grupo. Esun di mas grandi ta famia y trabao. Pa trabao por lo general e personanan cu ta bin traha tin un declaracion di DPL cu no tin obhecion pa subi mercado laboral.

   Na momento cu e toetsing ey tuma luga door di e departamento concerni y entrega e demas documentonan na DIMAS, por ehempel su buena conducta y demas documentonan y tur cos tan a ordo, e lo haya e permiso pa traha na e empresa den su funcion cu DPL  duna positivo p’e.

    E tarea encuanto labor ta cay bao di Minister di Labor.  DIMAS tin contacto estrecho y diariamente cu DPL. Casonan cu ta pa bespreek ta haci esey tambe na momento cu ta rekeri. Ta nan responsabilidad y sigui e conseho ey. Asina mes tin situacionnan cu por worde evalua.

    Ora DPL pone un conseho negativo DIMAS ta sigui e conseho. Esey ta e palabracionnan. E ora e persona lo haya un negativo. Tin lista largo di grupo cu no mester pasa DPL. Eseynan lo bin directamente DIMAS. E ora lo evalua e demas puntonan. E ta un conhunto.

    Kathy Paskel directora di DIMAS a comenta riba e cantidad di cierto grupo cu no mester pasa DPL. Tin ehempelnan bibo cu e directora a splica riba dje. No ta asina cu tin un stop total, si segun Señora Paskel, na DPL nan tin e control debido y e ora nan ta haci distincion kico ta positivo y negativo.

    Un director di un empresa, como ehempel, pero hendenan tambe cu tin cinco permiso consecutivo y asina tin un lista cu por haya riba e website di DPL mes cu ta www.dpl.aw.

    Proximamente lo tin e link riba e website di DIMAS. Ta un lista basta extenso. E artistanan cu ta bin pa treed op pa presentacion, no lo pasa DPL. Asina tin mas. Casanan di cierto gruponan cu no ta rekeri pa pasa DPL prome cu nan bin DIMAS.

- Advertisement -

DUNA COMENTARIO

Please enter your comment!
Please enter your name here