Home General Tin confianza cu otro siman diahuebs lo keda cla cu e parti...

Tin confianza cu otro siman diahuebs lo keda cla cu e parti di e salarionan na Elmar

1
0
SHARE
- Advertisement -

ORANJESTAD (AAN): Tabata tin un situacion cu a presenta diaranzon. Un reunion merdia caminda 1’or tabata deadline pa un situacion cu a presenta. Staf di Elmar a bay den accion. A Presenta un posibel solucion pa e problema mirando cu mediador a cay aden. Segun mr. Edwin Duijneveld, staf a laga sa cu a duna te 1’or pa bin cu specificacion manera mester ta y nan ta haci e berekening manera mester ta, diaranzon mas tarda 1’or cu a pidi pa e reunion. Kier a reuni te cu dialuna, pero staf a dicidi pa no drenta aden te ora cu un reunion tuma luga. Mediador a yama mr. Duijneveld y a pidi pa t’ey presente hunto cu algun representante di e trahadonan den un reunion 4’or. For di 4’or a cuminsa reuni y na final di reunion por a conclui cu Elmar lo bay paga e manera e trahadonan tabata exigi.
Bao di e condicion e director a laga sa cu e mester bay back cerca Raad van Bestuur. Manera el’a worde interpreta door di e trahadonan cu hues a bisa cu mester bay prome cu 2006 y dado momento cu a haya un splicacion di un persona di Elmar con el’a bay y en berdad mester bisa, manera e trahadonan a splica cu ta asina mester bay, mediador a bisa di su banda cu e lo spera pa esaki cana liher.

A acorda cu otro siman diahuebs mainta lo bin back pa rond af e proceso aki. Door di esey corta e accionnan te cu otro siman diahuebs. Tin confianza cu otro siman diahuebs lo keda cla di e parti di e salarionan. Tur ta comprende e oranan di overtime. Tanten e salario no worde coregi manera mester ta, pensioen y overtime no por worde calcula manera mester ta, esey no lo haci un issue awor aki.

Mr. Duijneveld lo haya diamars of diaranson e calculacionnan pa e controla cu e cliente con nan ta y si tur cos ta parce bon, pa diahuebs mainta lo por cera e capitulo aki y tur cos lo bay back na su normalidad. Dado momento prome cu 2006 tur hende a worde paga. Tabata tin 4 bracket. Na cada schaal tabatin un aumento mara na dje.

E hendenan tabata haya un evaluacion y ora cu tabata tin mas cu 50% den e evaluacion por a yega na remarca pa haya un aumento riba e salario. Si tabata tin menos no ta haya nada. Esey a worde uza te cu 2006. Locual Elmar a haci awor aki den berekening na a uza e sistema despues di 2006, caminda hues a bisa cu nan no por implemente pasobra esaki a worde poni door di Elmar sin papia cu e trahadonan. Nan a stel vast un porcentahe sin cu e trahadonan tabata sa. Esey tabata e diferencia den cen . Calculacionnan ta worde haci ainda.

E trahadonan awor aki ta haya cu awo si Elmar ta mustra cu nan kier cumpli cu e sentencia manera e trahadonan ta wak’e. Si tur cos ta cana manera mester ta, e accion lo normalisa diahuebs awo. Lo bay wak si pa diahuebs awo si tur cos ta na ordo. E cliente tin e confianza cu esey lo pasa. Tabata tin cierto palabracionnan entre Elmar y e CAO’ersnan, caminda nan sistema di pago tambe a cambia na mesun momento.

Segun nan, varios momento cu a reclama. Elmar a cambia di posicion y a bisa cu nan no tin derecho riba e aumento, pasobra nan tin e CAO. CAO tampoco prome cu 2006 no tabata papia di e situacion aki. E CAO’ers tambe a splica cu nan tin derecho riba e aumento aki y a menaza cu accion y welga. Elmar a dicidi di hiba nan corte den un caos sumario pa stop cualkier accion tocante e topico ey.
Eynan otro siman diaranson e caso lo ta y hues lo mester dicidi si e lo permiti accionnan tocante e punto ey, si of no. A acorda cu mientras e caso no ta tuma luga, no tin accion pasobra sino segun mr. Duijneveld nan lo pidi hues pa para accionnan te cu e tuma su decision. Te cu e caso tuma luga, riba e punto ey no lo tin accion.

- Advertisement -

DUNA COMENTARIO

Please enter your comment!
Please enter your name here