Tin mas hende muhe cu hende homber a participa na e encuesta di “Confiansa di Consumidornan” di Banco Central
ORANJESTAD(AAN):Emely Croes economista na Banco Central a hiba palabra unda el a splica riba e conclusion di e prome sondeo cu nan a haci. A trece e resultado inicial di e prome kwartaal 2012. Na diferente parti di Aruba tabata tin hende pa haci encuesta. E idea tabata pa logra acerca 400 persona. Nan a logra esaki. Banco Central a gradici e pueblo cu a duna e cooperacion. 58.2% tabata hende muhe y 41.8% tabata hende homber. Un comentario cu a haya di e encuestadonan ta cu e hende muhenan tabata mas dispuesto pa participa na e encuesta, compara cu e hende hombernan. E regionnan Noord, Oranjestad y San Nicolas tabata esunnan mas representa y Oranjestad tabata mas grandi cu 25.5%. Den diferente area tabata tin mas grupo representa cu otro.
Emely Croes di Banco Central ta splica mas. Ora mira e categorianan di edad, entre nan 18-25 aña tabata esun mas representa cu 19.5%. Ademas mas cu 50% tabata di edad di 41 aña of mas. Ora mira e nivel di educacion, esnan cu nivel di MAVO tabata 25.4%, esnan cu nivel di HBO tabata 21.5% y esnan cu un nivel di EPI tabata 17.8%, segun Sra. Croes.
E nacionalidad Hulandes tabata mas representa cu 83%, sigui pa e nacionalidad Colombiano cu 6.5%. Ademas tabata tin un categoria Other den cual diferente nacionalidad ta cay. E parti mas grandi di esakinan tabata personanan di Haiti y personanan di Filipinas. Ora mira e posicion economico di esnan encuesta 56.3% tin trabao full time, 8.3% tabata tin empleo part time, 12.5% ta pensionado.
Entre e resto tin studiante, trabao part-time y pensionado. 5% di e personanan encuesta no tabata tin trabao na momento di e encuesta. E rating encuesta cu no tin trabao no por wordo considera como e porcentahe di desempleo. Emely Croes a splica tambe riba e entradanan di esnan cu a ser encuesta.
Tabata tin un pregunta den e encuesta cu tabata puntra cuanto sigui e encuestadonan tin biba na Aruba, di cual cu 40.5% di e encuestadonan tin 31 aña of mas biba na Aruba, mientras cu 8% tabata tin 5 aña of menos biba na Aruba. Den categoria di 5 aña of menos biba na Aruba, no ta solamente inmigrantenan, tambe studiantenan cu a bin biba bek na Aruba. Gran parti di e resultadonan di e encuesta di confiansa di consumidor ta comparabel cu esun di Censo 2010.
Cu excepcion di categorianan di edad, di educacion y di entrada. Esnan di edad 18 pa 25 aña tabata tin hopi mas gana di expresa nan opinion y tambe a mira cu un gran parti di e personanan di 18 pa 25 aña, ta studiante, cual por a relata tambe e diferencia cu por a mira cu Censo den e categoria di educacion. Por ehempel un studiante por ta bayendo Universidad pa cumpli cu su Masters, cual ta splica e representacion grandi di un nivel di HBO, tambe nan por ta bayendo Universidad pa completa na Bachelors, cual ta mustra e posicion grandi di personanan cu tin un nivel di EPI.
Ademas e studiantenan cu ta bay EPI ta splica e representacion hopi grandi cu tin un nivel di MAVO. Tin awendia tambe di hopi hende cu ta expresa nan preocupacion sin miedo. Esey tambe ta resultado di e encuesta, Sra. Croes a comenta.
