Tur hende cu sali di biahe mester tin un “seguro di viahe”
Minister Richard Visser:
ORANJETSAD (AAN): Un seguro di biaha of “reisverzekering” ta un “must” pa tur hende cu sali di biahe, dr. Richard Visser, Minister di Salubridad y Deporte a enfatisa. “Tin asina hopi problema cu a pasa cu nos ta yuda, pero e ta kibra nos budget,” dr. Visser a añadi.
Pa evita cu e persona cu ta sigura pa AZV cu ta bay biahe no keda desampara of haya su mes confronta cu problemanan financiero ademas di su problema di salud, un seguro di biahe mester bira un obligacion y no un opcion pa tur hende cu ta sigura cu AZV. Un seguro di biahe no ta algo caro, pero sumamente necesario, segun e mandatario. Awendia tin dos opcion: cumpra un seguro cu ta valido henter un aña of cumpra seguro cada biaha cu bay di biahe, sea na un compania di seguro, na banco of na e agente di biahe mes.
Dr. Visser a bisa cu ta evaluando hunto cu AZV, agentenan di biahe y otro stakeholdernan kico por worde haci. Siguramente esaki no ta un seguro cu por worde cobra como un prima obligatorio via AZV na tur asegurado, pasobra no ta tur hende ta biaha, el a comenta.
Tin deliberacionnan andando y ta spera cu pronto lo por yega na un decision, pasobra hopi biaha esun cu ta bay di biahe no ta pensa, pero un seguro di biaha ta algo cu no mester neglisha.
Croes Julieta
Papiando di aseguro di viaha: Mi a comprende cu ora AZV a manda un persona bai opera na Korsow e mes y su acompajante mester a paga un reisverzekering. nan mes! AZV no a cubri esaki. Lo ta bon pa check esaki, si ta cierto y si ta pa tur patient igual. Si esaki ta cierto Minister Visser lo zorg pa tur patient cu bai hanja cuido medico den exterior AZV cubri e REISVERZEKERING aki?