Home Policial Un mucha a reparti pildora y pone hopi alumno di school bay...

Un mucha a reparti pildora y pone hopi alumno di school bay Hospital

0
0
SHARE
- Advertisement -

E mucha muher tin hopi di confesa awor!

ORANJESTAD (AAN): A worde denuncia caso serio na polis, diaranzon segun informe docente di Mon Plaisir College a presenta na warda di polis Oranjestad.

   Segun e informe, un mayor a pone school na altura cu su yiu ta malo y ta interna den hospital.

   Parce un mucha muher a presenta na school cu algun pildora y a parti esaki cu algun mucha muher.

Dos di e mucha nan ta interna den hospital, segun informe suministra na polis.  A haya sa cu un alumno mas tambe a tuma pildora, pero no a bebe. El a bay cas cu esaki.

   E maestro a bay na cas di e alumno pa alarma e mayornan, pero ningun hende no a sali pa atende e docente.

    Polis a acompaña e docente na e cas y e señora di inicialnan I.G. a  worde atendi. E señora a bay lanta su yiu muher for di soño, e alumno a declara di a guli 6 pildora tambe.

   Control haci den tas di e alumno a worde descubri diferente pildora. E señora mama a dicidi inmediatamente, cu e ta subi auto y hiba su yiu muher hospital pa examen medico.  E docente a acompaña nan pa Servicio di Emergencia na Hospital.

   No tabata tin informe adicional pa por a haya sa ki sorto di pildora y si enberdad uso di e pildora por a efecta e alumno nan y for di kende a suministra e pildora nan.

- Advertisement -

DUNA COMENTARIO

Please enter your comment!
Please enter your name here