Violencia na scol basico tumando rumbo serio
Mayornan preocupa cu loke ta pasando na Scol Basico Kudawecha
ORANJESAD (AAN): Mayornan a bisa cu ta basta! Momento a yega pa cabezante haci algo y tuma medida. Pero prensa di Aruba a haya sa di un “alerta corra” na mayornan cu tin yiunan na Scol Basico Kudawecha. Mayornan ta mira cos preocupante pasa na e school aki pa hopi tempo caba. Tin hopi problema cu violencia na e school aki caminda nan yiunan ta core peligro tur dia.
E siman aki, te hasta Polis mester a bay school debi cu un alumno femenino di Klas 5 a bay scol cu un scopet. Pa colmo despues di school muchanan di klas 6 a bati un mucha homber inocente pafo di school paso el a tuma e corahe di bay bisa su juffrouw di e cos aki. Pregunta di mayornan awor ta: Kico ta bay pasa awor? Tin hopi cosnan a pasa caba: muchanan ta hala mokete cu otro, falta di respet pa hende grandi, palabra malo pariba y pabao, comportacion casi criminal di parti di muchanan cu no ta bay school pa studia, sino pa haci bida di otronan imposible.
Ta lamentable cu algo asina ta pasando na un school nobo, y ainda e toro no a worde gara na su cacho. Tempo cu algun klas di Scol Basico Washington a bay na Kudawecha, tambe a tende storia di horor di alumnonan di Kudawecha cu ta ‘tormenta’ esnan bishitante.
Na Merca, tin masha hopi problema cu Bullies na school y tur hende sa e consecuencianan. Please shonnan no laga e cosnan bay asina leu!
Mayornan a bisa cu nan no ta sinti cu nan yiunan tin seguridad na scol di Kudawecha, y pesey awor ta pidi Ministro Dowers y Gobierno por fabor interveni pa pone ordo y tranquilidad bek na Scol Kudawecha.
E maestronan ta haci lo maximo cu ta den nan poder, pero ta gobierno so, por actua cu man duro pa proteha e inocentenan cu ta bay school pa siña y haya un bon educacion, y proteha e muchanan prome cu algo mas peor socede.
robert weller
wel, kiko mester hasi=simpel. wak con nos grandinan a hasie. cuminsa cu e mucha for di chikito na cas.
awendia nos a laga tur cos bai for di man.Nos grandinan tawata tin man fuerte y a planta respet disiplina na cas prome.Dios juda nos pa nos no laga e generacionn cu ta lanta hasi kiko nan kier.ban bek na e principionan di nos grandi y cu Dios Su ajudo nos por.