www.setar.aw ta expande su pagina cu FAQ
ORANJESTAD(AAN)– SETAR a expande su pagina www.setar.aw cu opcion di FAQ y formulario online pa facilita e clientenan y usuarionan di SETAR un servicio adicional. E pagina di FAQ ta contene mas informacion y contesta riba pregunta frequentemente haci. Tambe formularionan nobo a keda incorpora den e website di SETAR pa ta mas accesibel y pa cliente por manda informacion online pa SETAR.
FAQ ta para pa: “frequently asked questions.” Manera e nomber mes ta implica e parti aki di e pagina ta contene preguntanan y contestanan riba servicionan y productonan di SETAR. Na e website di SETAR www.setar.aw full ariba na banda drechi, e cliente por haya FAQ. Ora di click esaki, e cliente lo wak cada servicio separa.
Door di click riba nomber di e servicio cu e cliente ta desea di sa mas di dje, e ta haya e preguntanan cu ta concerni e servicio specifico. Por ehempel den parti di “General” cliente por haya mas información di: “Kico ta e rekisitonan cu mester pa aplica pa un servicio na SETAR”.
Cliente por repasa tur e preguntanan pa haya mas informacion of djies scohe e pregunta cu e ta buscando pa asina wak contesta riba esaki. Tambe bou di cada pregunta tin posibilidad di duna feedback si e contesta tabata util.
E intencion di e pagina di FAQ ta pa facilita un persona cu ta buscando informacion di algun producto y servicio di SETAR cu e por bai e website www.setar.aw y haya esaki na cualquier momento 24/7.
Den cuadro di e expansion di e pagina web di SETAR, ta introduci 3 formulario online pa cliente. Clientenan por download e formulario cu e mester den seccion di Forms. E prome formulario ta autorización pa un otro persona por haci cambio riba un cuenta (“machtigingsformulier”).
Hunto cu e formulario aki, ta rekeripa e cliente tin un Identificacion. valido di e persona cu ta duna e autorización pa haci un cambio riba e servicio cu e tin ariba su nomber. E di dos formulario cu SETAR a pone riba e website ta un formulario di asistencia. E formulario aki por yena na cas online mes y mande pa SETAR. Un representante di SETAR lo tuma contacto cu e persona pa brinda e ayudo na e cliente cu a pidi pa esaki.
Tin tres area den cual e e cliente por pidi pa informacion:
- Cobransa di SETAR
- Reparacion di telefon of otro servicio
- Peticion pa un servicio
- Un otro opcion cu e cliente ta haya ta un formulario pa por duna comentario tocante di SETAR. Riba e formulario aki cliente por duna un compliment, preocupacion, sugerencia of cualquier otro comentario.
- SETAR ta traha tur dia pa duna su clientenan e mihor servicio posibel cu e meta di cada bes bai mas serca di e cliente. Pa mas informacion por bishita www.setar.aw
Lolita
Oefff e modelonan ta horrible si