Home General “Medical Social Media Drimpy” ta parti di e proceso innovativo di IBiSA

“Medical Social Media Drimpy” ta parti di e proceso innovativo di IBiSA

5
0
SHARE
- Advertisement -

Minister Richard Visser:

ORANJESTAD   (AAN):   Durante e introduccion di IBiSA (Instituto Biba Saludabel y Activo) Minister di Salud y Deporte, Dr. Richard Visser a enfatisa cu e meta di IBiSA ta pa focus riba promocion di salud y prevencion y banda di esaki tin e reto pa cambia e estilo di bida den nos region di Caribe, pero sigur nos continente.

   E ta un oportunidad pa midi kico ta ser haci y trece innovacion.  Na Aruba tabata tin IDEFRE cu awor  ta bira IBiSA y cu den conhunto cu otro departamentonan di Ministerio di Salud manera esun di Nutricion ta forma un instituto mas fuerte cu e meta di combati e malesanan cronico na nos isla.

    E “Bus di Salud” ta forma parti di e vision di IBiSA. Den e bus lo por haci diferente tipo di test, manera test di sanger y akinan tambe lo tin disponibel otro tipo di hermentnan y ekipo avansa pa haci screening di malesanan cronico y obesidad, e minister a manifesta.

   E bus lo worde uza durante eventonan conhuntamente cu diferente instancia manera Wit Gele Kruis, Fundacion Pro Lechi Mama y tambe door di CEMEDAR (Centro Medico Deportivo Arubano) pa actividadnan di Medicina Deportivo.

     Segun e mandatario, pa prome biaha lo uni esfuersonan cu otro ministronan atravez di otro proyectonan di Gobierno.  Esaki lo ta un reto pa asina envolve mas hende posible den nos comunidad. 

    Cu e introduccion di IBiSA lo pone focus riba e parti di educacion di e poblacion di Aruba. Hunto nos por haci mas y lo demostra kico por worde haci na e isla aki pa asina trece hunto e comunidad como tambe otro paisnan den e lucha aki contra di obesidad y e malesanan cronico.

    Minister Visser a destaca cu parti di e proceso innovativo di IBiSA, ta e uzo di social media. Lo uza “Drimpy”, cual ta un asina yama Medical Social Media cu lo duna IBiSA mas empuhe. “Drimpy” ta un plataforma integral cu a ser lanza recientemente cu ta combina e registro di e salud di un pacient cu un red y ta permiti e doctornan comunica cu otro profesionalnan di salud y cu otro pacientnan.

   Durante introduccion di IBiSa y e Bus di Salud,  Arnold Breukhoven, kende ta e persona cu a desaroya “Drimpy”, a laga sa cu atravez di “Drimpy”, esnan trahando den cuido medico lo por interactua y comunica facilmente cu e meta di yuda otro pa un mihor salud di e poblacion.

- Advertisement -

DUNA COMENTARIO

Please enter your comment!
Please enter your name here