Home Evenemento “The Tramps”, “The Strangers” y “The Why Not Band” preparando…

“The Tramps”, “The Strangers” y “The Why Not Band” preparando…

2
0
SHARE
- Advertisement -

ORANJESTAD (AAN): Si bo ta un gran amante di Fiestanan Oldies, esaki sigur ta algo pa bo!

   Diasabra otro siman, 9 di Juni, bo lo disfruta di e tremendo ambiente cu e 3 bandanan masha popular aki lo pone den Club Sportboys na Santa Cruz.

E espectativanan ta halto di e publico cu semper ta acudi masalmente na e eventonan aki pa disfruta di algun ora yena di tremendo musica y diverticion sano.

   E evento “Flashback” aki ta pa complace cu e publico inmenso cu ta keda pidi pa mas.
   Nos tur ta corda e exitoso y inolvidabel fiestanan cu e hoben artista y promotor Edjean Semeleer a presenta aña pasa den luna di Juli cu Los Impala for di Venezuela y despues na Oktober den Centro di Bario Brazil cu nos mesun musiconan local.
E biaha aki, tur enfoke ta worde poni un bes mas riba nos propio bandanan local cu pa decadanan largo a causa furor den tur bario di Aruba.
Edjean a comenta cu e publico grandi cu semper ta acudi na e fiestanan aki ta un tremendo publico, cu tur ora ta comporta su mes di un forma ehemplar, pero sin kita afo cu e publico ta goza sin fin for di comienso te fin, di cada evento Flashback.

“The Tramps”, “The Strangers” y “The Why Not Band” ta preparando todo por todo pa bo por disfruta lo maximo di nan presentacion dia 9 di Juni proximo.
Imagina bo mes cantando, bailando, gozando y recordando e temponan di oro, for di momento cu e fiesta aki cuminsa, cu ta 8’or di anochi, te den oranan di marduga, riba e tremendo musica oldies cu e 3 bandanan aki lo presenta.
Percura pa bo tin bo vestuario di añanan ‘60 y ‘70, y asina tambe bo tin e chens di gana premionan masha atractivo.

Bale la pena un fiesta bailabel asina, caminda hende nechi di berdad ta topa hende nechi pa goza y disfruta den un forma inigualabel.

Entrada pa e “Flashback Party” aki ta hopi economico, esaki definitivamente ta cumini bo cartera.

- Advertisement -

DUNA COMENTARIO

Please enter your comment!
Please enter your name here