Home General AETA Airsoft Gun ta desparoba sucedido na Colegio Arubano

AETA Airsoft Gun ta desparoba sucedido na Colegio Arubano

1
0
SHARE
- Advertisement -

ORANJESTAD(AAN):E organisacion AETA Airsoft Gun ta desaproba totalmente e sucedido di algun siman atras caminda cu un hoben studiante di 16 aña a haci uzo di e tipo di arma aki cu otro intencion; un meta diferente pa cual e ta fabrica: esta practica e pasatempo di Airsoft Gun.

Presidente di e Organisacion AETA, Edsel Gomez, a duna un declaracion den cual e ta bisa cu e incidente cu e hobennan na Colegio Arubano a pone un mancha riba e deporte aki. “Loke cu a sosode, no mester a pasa.

E uzo di e aparatonan aki tin nan regla, y ta papia di 18 aña bay ariba,” el a bisa. Y a agrega di no ta compronde con por tabata posibel cu un mucha homber di 16 aña tabatin e Airsoft Gun den su poder.

E ta referi na e incidente cu a tuma luga algun siman atras na Colegio Arubano caminda dos hoben a tira riba tres otro studiante cu BB Gun. Na su opinion, e ta un acto di iresponsabilidad cu si un mayor a mira su yiu cu un arma asina, no a haci ningun pregunta di unda el a sali cune y averigua si e ta algo illegal. Tampoco e ta kere cu mester tira tur culpa riba e hoben, ya cu na e edad ey ainda nan mester di guia. “Si su guia no ta bon, e mucha no ta bin bon,” Gomez a indica.

El a splica cu e Elite Squad ya tin su reglanan caba. Tin un solo persona di e ekipo encarga pa cumpra e armanan, despues nan ta wordo registra riba nomber di e persona cu tin’e. Y ta kere cu tur ekipo mester tin e mesun reglanan. “E cos aki ta mescos cu ser un militar. Si bo tin un arma, e mester ta warda na un luga sigur na bo cas. No un caminda cu ken cu ta por yega na dje.”

Y a agrega cu un otro regla estricto cu nan tin ta cu si un miembro cay den man di husticia, e ta wordo expulsa for di ekipo of club y arma ta keda atras. Tur esaki pa evita cu e team ta wordo perhudica. Loke cu a wordo uza den e incidente na Colegio Aruba tabata un BB Gun cu tin su peligernan tambe cune.

Ora di training e persona mester bisti su goggle, mask y muts pa tapa e orea si tiro bini di banda. Den practica di e deporte aki tin rond di seis team, mientras cu Elite Squad ta consisti di 33 soldad y algun mucha muhe cu ta practica e deporte cu nan.

E team ta entrena den oranan di mainta pa atardi, na veld di Skol Monkeys of e edificio di John F. Kennedy. Den e deporte aki e target ta cada persona, cu ta sluip y ataca e contrincante. Naturalmente sa tin competencia local cu ta tumando lugar tambe.

- Advertisement -

DUNA COMENTARIO

Please enter your comment!
Please enter your name here