Home Politica Analisis politico

Analisis politico

0
1
SHARE
- Advertisement -

Fiesta fracasa

ORANJESTAD (AAN): Bebida na cantidad por nada, cuminda na cantidad por nada, e bandanan mas popular por nada y ni 300 hende a bin bo fiesta kier meen cu bo mes partidarionan a rechasa bo y a bisabo pa bo bay.  Esaki a sosode diadomingo pasa cu Evelyn Wever Croes.

   Evelyn a sinti den su mes partido cu e no ta hayando e sosten necesario y pesey a organiza un fiesta costoso na oficina di partido MEP y a haya e sla di su bida. E a worde conseha door di e bieunan cu un fiesta di e tipo cu MEP tabata tene den pasado ta pone cu e MEPnan ta lubida e maldadnan cometi door di e dirigentenan y nan lo keda entusiasma atrobe.

   De facto e a haya loke e tabata sinti caba. Pasobra e fiesta di dje tabata pa trata di haya e reconocimento y aceptacion como lider di partido di su mes hendenan pa e por sigui. E sla tabata hopi duro pe y por a mira na su cara cu e tabata hopi desepciona. E motibonan  cu e no ta hayando sosten di e mesun MEPnan ta varios. E manera cu e a bira lider pasando ariba tur otro cu por tabatin ambicion no a worde acepta den parti grandi di MEP.

   Loke a worde haci cu Marisol Lopez Tromp ainda ta biba cerca hopi MEP pasobra Marisol tabata e candidato pa bira lider di partido y hopi ta considera te awe cu Marisol lo por a haci un miho trabao cu Evelybe pa lanta MEP atrobe. Booshi tambe tin hopi simpatisante den MEP y e tambe a worde geschop for di partido na un manera cruel y tambe a worde yama traidor. Pero parce cu e motibo principal cu hopi di e MEPnan no ta sostene Evelyn ta pasobra e no a distancia su mes di e politica di miyones di placa di pueblo cu a bay pa su tata, ruman, tanta, omo, primo y primanan. Loke Evelyn mester a haci ta declara diadomingo cu a pasa cu e a dicidi di haci un apelacion ariba su famianan pa cohuntamente lanta un fundacion special caminda cada  uno di su familiarnan lo deposita parti di di loke nan a haya for di caha di pueblo pa worde reparti entre esnan mas debil den nos comunidad. Ademas e lo mester a declara cu e ta distancia su mes totalmente di e politica di enrekiza amigo y famianan y cu desde e dia ey e lo hiba un politica honesto y intergro y cu e ta arepenti cu su famianan di e manera asina bruto a abuza di nos pueblo. E mester priminti si e mes a haya un salario grandi di e oficina di dje y su tata e lo pone un suma tambe den e fondo cu e lo percura lo worde lanta pa duna maske e ta un pida chikito cu a bay pa su familiarnan back na e pueblo. Evelyn no a haci esaki y door di esaki e a  mustra cu e ta trata di haya sosten di su mes hendenan door di gaña nan cu bibida , cominda y fiesta sin distancia su mes di e politica maligno cu a worde hiba den pasado. Esaki ta empeora su posicion den su partido y den nos comunidad.

   Despues di diadomingo Evelyn lo keda mira como e politico cu a drenta den politica pa defende e rikezanan di su famia y probablemente si un dia e lo drenta den gobierno lo haci mescos cu a worde haci den pasado. Loke tambe a resulta diadomingo ta cu Evelyn ta biba cu e politica di pasado. E a kere berdad prome cu e fiesta cu bibida por nada cominda por nada ta gana e simpatia di e votadornan. E no ta realiza cu nos pueblo a pasa den un desaroyo hopi progresivo y cu e votadornan no ta worde impresiona mas cu un par di bitter of bbq por nada di partido  MEP. MEP ta cay den otro mescos cu PPA a bay. No tin nada di idealismo mas. No tin hende cu bon deseonan pa nos pueblo mas. Nan tabata pa añanan largo “brothers in crime” y pasobra awo no tin nada mas pa horta den gobierno nan a cuminza mustra dede ariba otro y no tin ningun forza pa cambia e direccion aki. Evelyn awe ta para pa e politica bieu.

- Advertisement -

1 COMMENT

  1. segun mi AVP a bai dos biaha caba den santana y a resucita, ,Mep nunca a baha bow 8, avp ya durante 3 eleccion den pasado a sunchi 0 of 1 asiento. Recordar es vivir.

DUNA COMENTARIO

Please enter your comment!
Please enter your name here