Home Politica Aruba mester ta orguyoso di e propaganda impagabel cu a haci pa...

Aruba mester ta orguyoso di e propaganda impagabel cu a haci pa nos isla na e cumbre +20 di Rio de Janeiro

0
0
SHARE
- Advertisement -

Parlamentario Clarisca Velasquez

ORANJESTAD (AAN): E siman aki ta un siman importante pa nos isla pasobra nos isla a haya lus international den un cumbre caminda tur pais na mundo ta presente y aki a presenta kico ta e intencion cu kier converti nos isla.

Nos isla lo bira modelo di desaroyo berde pa caribe y pa henter mundo. Cu e intencion pa haci nos isla sostenibel den tur sentido social di palabra door di cultiva comunidadnan feliz, basa riba bienestar y respet.

Cu e proyectonan di “bo bario”, “Bo Aruba”, “Green Aruba project”, ” Green Gateway” ta pone fundeshi firme pa promove crecemento economico, recursonan social y concientisacion ambiental pa eleva calidad di bida di cada Arubiano. Busca felicidad y bienestar ta e base di Aruba su vision conforme palabracionnan haci den e “dialogo social”. Sostenibilidad mester bira un manera di biba na Aruba.

Conhuntamente cu Carbon War Room, TNO y cu cooperacion di New American Foundation y Harvard University ta bay desaroya un strategia integral pa prosperidad sostenibel pa nos isla.

E strategia ta dirigi riba implementacion di proyectonan disenja pa incrementa e resistencia social, ambiental y economico di Aruba, haciendo uso di recursonan natural y implementa proyectonan cu ta crea y sostene trabaonan local di calidad halto.

E concepto aki por sirbi como modelo pa e region di caribe y pa otro paisnan den mundo. Gabinete Mike Eman 1 a expone su opcion strategico con pa yega na un crecemento sabi y sostenibel pa eleva su economia den su programa di gobernacion 2009-2013 pero tambe pa eleva bonansa y bienestar pa nos hendenan.

Nos mester ta orguyoso di e intencion cu e gobierno aki tin pa cu nos isla y tambe nos mester ta orguyoso di e propaganda inmenso cu nos isla a haya den e cumbre aki na Rio caminda Aruba a worde poni riba mapa international cu e intencion di e gobierno aki!

- Advertisement -

DUNA COMENTARIO

Please enter your comment!
Please enter your name here