Aruba Racquet Club ta invita pueblo di Aruba pa presencia Gran Final di KIA Masters Tennis Circuit y apoya nos muchanan
ORANJESTAD (AAN): E fin di siman venidero Aruba Racquet Club ta organiza e gran final di 2012 KIA Masters Tennis Circuit.
For di diaberna 8 di Juni y diasabra 9 di Juni. Bo ta keda invita pa bishita Aruba Racquet Club cu un biaha mas ta clausura weganan pa e Annual Kia Masters Tennis Circuit cu a cuminsa na November 2011. For di November mas cu 6 torneo a tuma lugar unda cu nos muchanan dividi den 5 nivel a logra participa. Pa cada wega hunga e muchanan ta acumula 20 punto y na final ta e muchanan cu puntuación acumula mas halto ta esnan cu ta bay gran final. E Circuito en total a conta cu participacion di mas di 32 mucha, parti den 5 nivel. Topcar, Kia Motors y Aruba Racquet Club ta invita tur aficionado di tennis pa pasa presencia e weganan e week-end aki y apoya nos muchanan pa cu nan esfuerzo pa haci deporte.
Weganan clasificatorio lo tuma lugar for di diabierna 3or di atardi y e gran final lo tuma lugar diasabra 9 di Juni. Aruba Racquet Club ta corda pueblo en general cu nan ta ofrece diferente actividadnan na miembro y non-miembro. Pa mas informacion tuma contacto cu nan na 596-0215 of manda un email na arctennisclub@setarnet.aw. Keda sorprendi pa e variedad di beneficionan cu miembrecia ta ofrece pa grandi y chikito.
Topcar N.V., ta un compania local cu historia di servicio y amabilidad na tur su clientenan y ta orguyoso di ta patrocinador di e evento deportivo aki. Topcar N.V. ta representante exclusivo di marca renombra di Kia Motors (KMC) na Aruba.
