Booshi Wever ta manera paloma cu ta busca awa pa e baña
Parlamentario Melvin Tromp ta reacciona
ORANJESTAD (AAN): Parlamentario Melvin Tromp ta bisa cu e reaccion di Booshi Wever como parlamentario independiente den parlamento tocante di e edificio di ex hotel centraal awe ta lagami corda ariba e dicho cu ta bisa cu “palomba ta baña cu e awa cu e tin” paso awe diripiente Sr Booshi Wever kier papia cu e veridicto contra di mi persona ta implica automaticamente cu no tin nada contra di su persona tampoco y cu mi ta un gañador patalogico.
Sr Melvin Tromp ta bisa pa straño cu tur cos ta zona awe caminda cu kier papia cu ta wega sushi di tanto Parlamentario Melvin Tromp y Ministro Sevinger caminda cu a insinua cu a saca e clausula di e huurcontract y cu awe tin un acuerdo cu e doñonan di e edificio di 5 aña pa ser exacto REMAZU NV cu a bin dilanti na 2005 despues cu nan a haya sa cu nan edificio lo tabata bay worde contracta cu Sofienne Holding NV.
Parlamentario Melvin Tromp ta haya ta bon pa recorda Sr Booshi Wever cu mi a papia di e contracto cu lo mester a worde otorga na Sofienne Holding NV na 2003 y cu te hasta a worde trata den sala di conseho di ministronannan di Gabinete Oduber cubo persona tambe a forma parti di dje y cu den e reunion ey conseho di ministronannan e tempo ey a bay di acuerdo pa un contracto di 4 aña firma door di ex Promer Ministro Oduber.
Parlamentario Melvin Tromp ta sigui bisa cu si acaso cu Sr Booshi Wever no ta corda mas no ta nada straño pero lo ta bon pa Sr Wever worde recorda cu Articulo 3 di e acuerdo di huur si ta papia di posibilidad di prolongacion y alavez ta bon pa cita kico e articulo 3 aki ta bisa cu aki por prolonga e acuerdo di huur aki pero hoog uit één jaar pues 1 aña di prolongacion y si ta asina con bin diripiente e clausula den Articulo 3 aki a worde cambia di un prolongacion di maximo 1 aña pa un contracto di 5 aña,bisa pueblo ta ken a firma e tempo ey y no sea cobarde.
Si awe Booshi Wever awe kier pretende otro cos por pero ta fresco den mi memoria ora cu su persona a reta Ministro Sevinger pa mustra loke cu e ta insinua pa loke ta Articulo 3 Sr Wever a haye ta sinta pura ora cu Ministro Sevinger a presenta e berdad y ta eynan e ex Ministro di Infrastructura Sra Lopez Tromp a reconoce cu su persona no tabata na haltura di e cambionan raro aki y a exigi pa e por haya e copia di e cambionan dudoso aki, acaso cu bo memoria akinan tampoco no ta capta esakinan tampoco Sr Wever?
Mas ainda Parlamentario Tromp ta puntra su mes kico tabata e interes e tempo ey pa prepara un contracto cu doñonan di e edificio aki mientras cu tabata na haltura cu aki ta trata di un edificio cu no tabata den un estado satisfactorio y peor ainda den un condicion malisimo y te cu awe no por worde huza pero pueblo ta pagando un suma di casi 1.2 miyon Florin y awe un biaha mas pueblo por defini gobernantenan metiroso y cobarde cu parce cacalaca ariba su lomba cu continuamente kier sapatea.
