Home Politica Contestacion di Minister Sevinger ta demostra di ta cumpliendo den forma positivo...

Contestacion di Minister Sevinger ta demostra di ta cumpliendo den forma positivo cu nos medio ambiente!

2
0
SHARE
- Advertisement -

Parlamentario Lainda Westerhof 

ORANJESTAD(AAN): Durante siman a tene reunion publico cu a worde pidi pa fraccion di AVP pa trata e tema di dump ilegal riba nos isla. Durante reunion varios pregunta a worde haci tocante dumpnan ilegal, concientizacion di tene Aruba limpi y serlimar.

   Parlamentario Lainda Westerhof a trece su preocupacion pa dilanti pa e parti di recoge autonan bieu den diferente barionan cu ta forma un molester pa e habitantenan y pa e casnan bandona cu ta bira un peliger pa e habitantenan.

Paso nan ta worde usa como luga pa tira sushi o adictonan ambulante y hobennan cu ta busca maldad pa haci ta haci uso di nan. Tur esaki ta forma un molester pa e habitantenan y ta un daño pa nos medio ambiente.

Tambe parlamentario Lainda Westerhof a puntra ki dia lo keda cla cu city inspector, si lo proveenan cu e materialnan y equipo necesario pa asina nan por funciona optimal.

Minister Sevinger den su contestacion a presenta varios raportnan, proyectonan y campaña pa cu cuido di nos medio ambiente. A presenta e campaña pa recohe autonan bieu cu ta andando pa algun tempo caba y a anuncia di e tipline na serlimar for di cual tur ciudadano por haci uso di dije. A haci comparacion mustrando potret y cifranan di cantidad di sushi cu a worde recogi di momento cu Gabinete Eman a drenta den gobierno cu ta mas hopi cu e gobierno anterior.

Barionan manera Sabana Basora, San nicolaas, Dakota y madiki a haci accionan grandi pa recoge sushi, rosa mondinan yena cu sushi y a bin cu e campaña di bakinan grandi di sushi den diferente barionan. A trata na bin cu trucknan nobo di sushi pa alivia e problema cu tabata tin antes cu sushinan di cas tabata tarda pa worde recogi.

A presenta e campaña cu gobierno tin cu FCCA pa renoba e casnan bandona, un ehempel ta esun cu nan ta ocupa cune awor cu ta diamantenbergweg y Companashi lo ta e siguiente. Nan ta drecha e casnan bandona pa huurnan o bendenan.

E mas positivo tabata ta cu casnan cu bay vindishi FCCA lo por tuma nan over pa asina e hendenan no perde nan cas y huurnan na un prijs mas abao na e doñonan di cas. Parlamentario Lainda Westerhof ta haya esaki sumamente positivO y humano mirando cu ultimamente bastante hende ta perde nan cas via varios banco y gobierno ta trata na busca un solucion pa cu esaki.

Tambe parlamentario Lainda Westerhof tabata contento di tende cu na Juli lo cuminsa full speed cu City Inspector. Nan lo haya nan propio edificio y amplia e departamento pa asina por tin mas bista y mihor control pa loke ta trata e cuido di nos medio ambiente.

- Advertisement -

DUNA COMENTARIO

Please enter your comment!
Please enter your name here