Diario Online

Director SVb cu relato di dos cuartal 2012 tocante fondonan di seguronan di trahador

Publication: Tuesday, 12 June 2012. Categoria: General

ORANJESTAD (AAN) – Den entrevista cu Matutino DIARIO, ing. Edwin Jacobs, director di SVB, a duna nos informacion importante pa pueblo, tocante e desaroyonan di e fondonan cu e instancia aki ta administra, pa loke ta trata e di dos cuartal di aña 2012.

El a duna un bista riba e tres seguronan di trahador cu ta: accidente, malesa y cesantia, y e seguronan popular cu tambe ta tres: pension di behez, horfandad y viudez.

Den termino general e seguronan aki a caracteriza durante e prome cuartal di e aña en curso pa un crecemento den e entradanan, y esaki ta debi tambe cu e cantidad di trahadornan registra na SVb ta subiendo.

E cifranan mas reciente cu Ing. Jacobs a menciona, ta mustra cu SVb a cera luna di mei cu un total di 37.465 trahador inscribi, cu compara cu final di 2011 cu tabata un total di 36.923, y December 2010 cu tabata 35.950, loke ta nifica cu entre 2010, 2011 y continuando na 2012, e tendencia ta di un aumento continuo di e trahadornan registra na SVb, inscribi den e seguronan di trahador.

Si tira un bista riba e relacion di trabao registra na SVb, Jacobs a indica, por mira e mesun tendencia unda cu na final di December tabata tin 39.006 relacion di trabao y na final di mei awor, tin 40.037, pues un aumento di mil cupo extra di trabao cu a keda registra durante e cinco prome lunanan di aña 2012.

Director di SVb a subraya cu esaki ta trece cune cu e entradanan pa e fondonan tambe ta aumenta. Durante e prome cuartal di 2012 SVb a saca cobranzanan pa e seguronan di malesa y accidente, pa e doñonan di trabao, pa un balor di 33.6 miyon florin, y aña pasa den e mesun periodo e tabata 32.3 miyon. Kiermen un aumento di casi un miyon florin extra na cobranzanan di prima pa e seguronan di malesa y accidente y na mesun momento SVb a colecta na prima un total di 12.7 miyon florin cu ta mey miyon mas cu aña pasa den e mesun periodo.

Encuanto e gastonan pa e seguro di malesa durante e prome cuartal di 2011, SVb a compensa 62.085 dia di AO, y e aña aki 2012 durante e prome tres lunanan esaki a aumenta cu 897 dia yegando 62.982 dia di AO cu SVb a compensa. Pues por mira un banda e entradanan a aumenta cu casi un miyon florin yegando mas of menos dos porciento di aumento, y tin un aumento hopi chikito di e dianan di AO pa compensa.

Director Jacobs a sigui splica cu durante e mesun periodo di 2012 SVb a acorda un total di 125 carta pa pre-parto y post parto, y esaki pa 2011 tabata 118, pues un aumento leve den dje. Tocante e gastonan cu tabata tin di e beneficionan di seguro di malesa, esaki a reduci un poco di 5.3 miyon florin pa 5.2 miyon; apesar di e dianan extra cu a bin acerca tog por mira un reduccion y esaki tin di haber cu e promedio di salario pa dia, cu SVb a paga durante e prome tres lunanan, cu tabata menos cu e aña prome.

“ E fondo di seguro di malesa ta keda un preocupacion, un fondo cu por lo general tin un deficit chikito cu ta wordo cubri cu locual tin di resultado positivo di e fondo di seguro di accidente.