Esaki ta e unico Gobierno cu a duna atencion na Rancho
Annie Dirksz, habitante di Rancho
ORANJESTAD (AAN): “Danki na e Gobierno aki. Danki na nos Prome Minister Mike Eman y Minister Benny Sevinger cu porfin Rancho ta haya atencion.”
Esaki tabata e reaccion general di e publico grandi presente diamars anochi na presentacion di Infra-Team dilanti di unda antes Aparicio Bar tabata situa. E presentacion tabata relaciona cu trabaonan di renobacion di Rancho cu lo cuminsa dentro di algun siman.
Annie Dirksz, kende tin 32 aña bibando den Rancho, cu un cara alegre a bisa cu tur e habitantenan presente a keda masha contento cu e presentacion di ir. Raffy Kock di Infra-Team.
“Mi a gust’e masha hopi. Ta prome biaha den historia, den tur e añanan y tur e gobernacionnan cu a sinta, cu un Gobierno a tuma e decision cu ta bay drecha Rancho, manera nos a wak awenochi,” Señora Dirksz a bisa. Y a agrega cu tur esaki ta “danki na nos Prome Minister Mike Eman y Minister Benny Sevinger cu ta haci tur esfuerso pa nos, pasobra nos tambe merece di worde yuda”.
E presentacion cu a worde duna, segun Señora Dirksz, a ilustra hopi cambio bunita cu nan bario lo bay pasa aden y a keda masha impresiona. Prueba di esaki tabata e aplauso grandi cu Infra-Team a ricibi na final di e presentacion y tur e comentarionan positivo despues di e presentacion.
Tico Suarez
Un cordial saludo y danki na esnan cu ta trahando pa drecha Rancho. Mi a biba na Ranchostraat den tempo di mi ninez y ta hopi tristo tempo mi a bai Aruba y mi a bishita Ranchostraat. Rancho lugar di hendenan balente cu ya hopi a bay laga nos.
Hopi exito na tur envolvi cu e tarea aki.
Sinceramente,
Tico Suarez
P.O. Box 863212
Ridgewood, New York
U.S.A.
tippaman
ami a lanta na rancho cu famia de palm, papi calo iris jefrey, jonny johan i dunchi, i wilfrido.i famia. mi awordo trata como nan yui. mi tata tawata bon amigo i mi a traha na planta di eis di johan. rancho tawata e boka di piscador. famia öuandt ,,rufu i tur su rumanan, ei mi a horta nan buriko hiba dakota.