Habitantenan di Piedra Plat ta bisa Danki na Mike Eman y Benny Sevinger
MEP a gañanan hopi eleccion….
ORANJESTAD(AAN): Habitantenan di Piedra Plat ta manda palabranan di danki na e dos ministernan Mike Eman y tambe Benny Sevinger. Un biaha nan a pasa den e bario y e suplica di e habitantenan tabata pa yudanan pa e caminda di asfalt.
Tin habitante cu tin 41 aña wardando pa un caminda di asfalt. E mesun habitantenan aki a splica tambe cu na varios ocasion varios di esnan riba e lista di MEP a pasa prome cu eleccion y mesun peticion a bay pa nan. E palabra si, si, si cu nos lo garantiza boso e caminda di asfalt a sali for di boca di cada miembro riba e lista di MEP cu a drenta e casnan eybanda pa campaña.
Nan tabata campaña den otro y ora uno di MEP sali di un cas algun minuut despues otro tabata drenta rancando voto di otro.
Tur a haci promesa añanan largo. Te hasta un di esnan biba den e caya tin reunionnan di contacto di MEP cu cura yen di bisiñanan y esaki tampoco a yuda. Nan a papia masha cos den e reunionnan di MEP cu tur tempo a ser organiza den e barrio.
Finalmente mester a warda despues di basta aña e bishita di parlamentarionan Benny Sevinger y Mike Eman cu a presenta den e barrio prome cu eleccion. Mesun peticion cu añanan largo a haci na e miembronan di MEP cu a campaña a worde haci tambe na e parlamentario e tempo ey Sevinger y Eman. Nan a sinta como gobierno y no a lubida Piedra Plat. Cu MEP a tuma haci 90% di esnan MEP den e mesun caya no a stroba AVP cumpli cu e deseo di e habitantenan. Full e caya a haya asfalt y otro peticionnan den e barrio den cercania tambe a worde drecha. Esaki ta un alivio sigur pa e habitantenan cu tin decadanan ta pidiendo pa asfalt y cu a guli basta stof pasobra autonan tabata pasa bay bin tur dia. Pesey nan a manda un palabra di danki na ambos awe minister pa cumpli cu nan promesa.
