Melvin Tromp kier pa Evelyn yuda stop abuso cu placa di pueblo
ORANJESTAD (AAN): Parlamentario Melvin Tromp a ripara cu tin hopi papiamento netjie di parti di e lider di MEP actual pa motibo cu supuestamente e ta preocupa pa tur locual cu ta placa di pueblo y te hasta e ta expresa cu e ta haya cu tin mandatarionan cu no a hunga suficiente tempo cu nan tabata chikito a haya ta bon pa inverti miyones di Florin den proyectonan di tram cu ta tumando lugar actualmente den nos cayanan grandi.
E Parlamentario Sr. Tromp ta haya e expresion aki mester ta uno mas transparente pa loke ta e preocupacion di Sra Wever Croes pasobra e kiersa kico ta e diferencia den e preocupacionan di Sra Wever Croes cu tin asina un preocupacion pa loke ta e miyones cu ta worde destina den proyectonan mientras cu tin compinchinan cerca di Sra Wever Croes cu ta abusando ainda di miyones di placa di pueblo pero esakinan si no ta worde considera como preocupacionan di parti di Sra Wever Croes pa loke ta e fondonan di pueblo.
Lo ta bon pa Sra Wever Croes splica e pueblo aki kico ta e diferencia entre e miyones cu ta worde destina den proyectonan cu ta contribui na benificionan mediante desaroyonan pa e pueblo aki mientras cu Sra Evelyn Wever Croes no ta mustra ningun preocupacion pa loke ta e forma con compinchinan di e partido MEP si por haci y deshaci cu e fondonan di pueblo mientras cu ta existi un silencio hermetico cerca su persona of porta ta pasobra aki ta trata di fondonan di pueblo pa famia su preocupacion ta ser limita na un silencio paso cu ta trata di famia.
Parlamentario kier puntra Sra Evelyn Wever Croes si e ta haya ta bon cu doñonan di REMAZU NV tin e derecho pa huur un edificio completamente blo bashi pa 5 aña caminda sumanan cuantioso ta sigui core ariba cuenta bancario di esnan involvi di e huurnan aki, acaso cu e edificio aki si por worde considera pa e por sigui cu un acuerdo di huur cuantioso sin cu e por worde huza of bo no ta kere cu esaki ta worde considera como un crimen ariba fondo di e pueblo aki, acaso cu bo por splica pueblo kico ta e motibo di bo silencio pa loke ta e forma con ta destina placa di pueblo di e forma aki.
Parlamentario Melvin Tromp ta encurasha Sra Wever Croes pa bin dilanti y bin bisa e pueblo aki si ta berdad cu tin ariba 20 caso ainda cu e bufete di abogacia di papa caminda cu bo persona ta heredera na e momentonan aki pa bringa e gobierno actual den corte pa sondea e posibilidad cu e kramchi di placa pa famia por continua p’asina e mesun compinchinan por sigui abusa di e fondonan di pueblo aki tambe of akinan si diripiente Sra Evelyn Wever Croes a bira ciego y sordo y peor ainda mudo.
