Ora parlamentarionan no presenta na reunion publico e ora nan ta viola confianza di pueblo
Parlamentario Clarisca Velasquez
ORANJESTAD (AAN): Parlamentario Clarisca Velasquez di AVP, a indica cu nan a tuma nota cu parlamentarionan di Mep balente nan ta pa core bay radio pa comenta loke a pasa den parlamento awe maske nan mes no tawatey na parlamento pa asumi nan responsabilidad y cumpli cu loke pueblo a pone nan den parlamento.
Reunion publico di parlamento no por a sigui pasobra no tin quorum y quorm mester worde forma pa e “meerderheid” cu ta 11 miembro. Ningun caminda no ta para cu e 11 miembronan mester ta di Avp. Mester tin 11 miembro pa forma quorum y dos parlamentario masculino cu tawatey pa Mep a prefera pa keda den nan oficina pa no ta den e sala di parlamento pa asina tin quorum.
Asina e reunion no por bay door! E parlamentarionan femenino di Mep tabata na gym of na salon paso ni wak a waknan corda pa nan bin sinta den sala di parlamento.
Ora abo como parlamentario no tey den reunion publico unda ta trata leynan asina importante pa nos pueblo e ora bo a viola e confianza di nos pueblo y esaki ta di condena! Pueblo a ponebo aki den pa sali na vanguardia di nos
pueblo y ora tin un ley asina importante cu ta trata fondonan importante pa nos turismo e ora tur 21 parlamentario mester atende e ley aki y si no tey cu motibonan valido mester bin sancionnan pa cu esaki! Bo ta traiciona e confianza cu pueblo a dunabo pa asina sali na vanguardia di nos pueblo. Mep tabata balente pa core bay radio pa critica loke a pasa den parlamento pero nan mester ta den parlamento sinta pa asina reunion publico por continua y cu nan ausencia nan a viola e confianza di nos pueblo di Aruba! No a viola ningun ley di parlamento! Loke e parlamentario di Mep cu no tawatey a viola ta e confianza di nos pueblo!
