Persecusion a resulta fatal pa chauffeur cu a hera pasa riba polis ora a dune señal pa stop
ORANJESTAD(AAN): Diahuebs den oranan di marduga un persecucion formal a start tras di un auto cu a nenga di stop pa Polis.
Esaki a sosode despues cu polis tabata haciendo un control marduga parando auto na altura di Ponton.
E chauffer aki a nenga señal y polis mester a bula un banda pa evita di worde trapa. Unidadnan di Polis for di Playa, Noord y Santa Cruz a uni nan mes tras di e Toyota Tercel cu no kier a para pa nada di mundo. E persecucion a bin caba te na Nuñe ora a detene e chauffeur.
Sinembargo, e detenido a haya algo, ora tabata den patruya rumbo pa Warda di Polis. A solicita presencia di Ambulance na e lugar mesora pa atende cu e sospechoso.
Un rato despues personal di ambulance a logra stabilisa e victima cu segun testigonan su cara tabata birando color biña ora a yega pa duna asistencia medico.
Patruya a habri caminda pa Ambulance yega Hospital mas pronto posibel, pero lamentablemente dokter no por a haci mucho mas pa scapa bida di e sospechoso.
E detenido Sandro Giovanni Quandt di 42 aña y biba na Pos Chikito a fayece un rato despues na Hospital, alrededor di 4:50 AM. E caso ta bou investigacion. Den su poder segun a haya dos tipo di droga y algun mil Florin.
Den DIARIO di awe tin un otro relato, di e decision di Fiscal, y tambe tin reaccion di famia, incluyendo potret con tur na sanger nan ser keri a keda.
Aiyayai
Ai e pober. E biaha aki no ta un stranhero. E taba ta tin suma di plaka riba dje. Posibelmente droga tambe. Menasa na esnan ku a detene si no tabata tei. Falta di inteligensia si tabata tei atrobe. E disco a raya. Aruba ta safe tanten bo no expone bo mes na cuerpo policial. Na pais civilisa e cabes di cuerpo ta bai of e minister cu no por mande kas ta bai. Na Aruba nan ta bula cabes di e cuidadano. Esta bunits kos shon nan!!!!!