Diario Online

Refineria Aruba preparando pa e di 4 turnaround

Publication: Monday, 18 June 2012. Categoria: General

ORANJESTAD (AAN)– For di fuentenan fidedigno Diario a compronde cu e refineria ta preparando pa e di 4 turnaround cu ta nifica cu esaki ta e turnaround super grandi pa drecha henter e refineria.

Esaki ta indicacion cu tin un acuerdo riba mesa y solamente falta detayenan di tereno pa cuadra loke ta e traspaso di Valero pa PetroChina.

Apesar cu e CEO di PetroChina a desmenti cualkier acuerdo cu Valero pa loke ta e refineria na Aruba, esaki ta cuadra tanten cu no tin un acuerdo formal firma.

Segun e fuentenan aki ya caba tin un acuerdo cu Petrochina mirando cu tin petroleo procedente for di PDVSA cu ta den consorcio cu Petrochina pa e Orinoco Belt. Ademas e turn around ta un fuerte indicacion cu e palabracionnan ta serio mirando cu e grupo di mericanonan cu mester ta lider den cierto trabaonan ya ta riba suela di Aruba y kizas solamente ta warda riba e green light.

Pa loke ta e dia liber di diabierna, Valero Aruba a notifica e trahadornan cu esaki ta relaciona cu dia di tata.

Sinembargo mirando e ultimo desaroyonan a indica cu ta dia pa descansa en espera di e turnaround grandi.

E dia liber obligatorio aki segun nos leynan laboral por,  mirando e situacion cu e refineria ta aden. Pero e grupo cu ta trahando warda no a cay bao di e dia liber diabierna ultimo cu tabata uno obligatorio.

Esnan cu a haya dia liber obligatorio ta e grupo cu no ta traha warda y/of ta trahando di dialuna pa diabierna. E dia liber obligatorio aki lo costa e trahador un dia di vakantie.

Cualkier momento por spera firmamento di acuerdo, pero mirando cu e mapa di tereno actualmente no ta cuadra, mirando cu Valero a entrega e gobierno di Aruba cierto terenonan, ta tuma tempo y por spera cu e departamentonan en cuestion lo finanliza  e trabao pa presenta e mapa di tereno.

Tambe manera a conseha e gobierno pa laga e waf di San Nicolas cay bao di APA NV cu ta e autoridad di gobierno pa maneha e wafnan na Aruba.

Recientemente e grupo cu a termina nan estudio pa operator a cuminsa traha y pa e turnaround grandi aki lo mester hopi hende pa traha. E grupo di 65 aña bay ariba varios a bay despues di a acepta un pakete cu e sindicato IOWUA a  negocia pa nan  mirando cu Valero no tabata ofrece nada na e pensionado. Sinembargo el a haya un bon pakete y hasta e tata di e director arubano Buckley a haci uso di e pakete aki. Mayoria cu a wordo ofreci un pakete a acepta esaki.

Segun e comentario ta cu PetroChina ta pone e finanzas pa e turnaround grandi mientras nan ta confia Valero cu conoce e refineria desde 2005.  Pues na e gobierno di Aruba pa trabaonan, pa dedicacionnan incansable cu vision ta logra loke nan a pone nan dilanti, esta pa mantene e refineria habri y percura pa pan di e trahadornan cu tin e efecto directo, pero tambe na comercio cu indirectamente door di e spin-off effect ta depende riba existencia di e refineria.