Home Evenemento Scol di Musica Rufo Wever ta presenta: Paseo Arubano

Scol di Musica Rufo Wever ta presenta: Paseo Arubano

3
0
SHARE
- Advertisement -

ORANJESTAD (AAN):— Diadomingo awor 10 di juni pa 4’or di atardi den Cas di Cultura e studiantenan di Scol di Musica Rufo Wever, bao di guia di e docentenan, lo brinda amantenan di bon musica nan concierto di fin di aña escolar “Paseo Arubano”.

Studiantenan lo dedica e concierto aki na compositornan Arubano. Nan lo interpreta cancionnan for di e herencia musical di Aruba.

E studiantenan lo demostra nan abilidad riba diferente instrumento entre otro trompet, piano, baho, guitara, drums, percusion, blokfluit, fio, instrumentonan Orff y tambe canto. Lo presenta den gruponan chikito, grandi y tambe como solista.

Cu hopi entusiasmo y dedicacion e studiantenan ta preparando pa e dia aki pa asina regala e comunidad di Aruba un divertido concierto.

Amantenan di bon musica cu kier disfruta di un momento alegre y diferente, no por perde e oportunidad aki di conoce nos futuro artistanan, ofreciendo comunidad un tremendo concierto.

Aruba henter ta keda cordialmente invita na e concierto “Paseo Arubano” di Scol di Musica Rufo Wever.

Carchi ta obtenible cerca administracion di Scol di Musica Rufo Wever na Cas di Cultura piso ariba y na porta dia di e concierto.

- Advertisement -

DUNA COMENTARIO

Please enter your comment!
Please enter your name here