Home Policial Seis detencion y droga confisca den accion di Departamento di Droga di...

Seis detencion y droga confisca den accion di Departamento di Droga di Cuerpo Policial

0
0
SHARE
- Advertisement -

ORANJESTAD    (AAN):   E departamento di droga di cuerpo policial a pone man riba un grupo cu tabata presta su mes pa anda cu droga. E grupo aki ta envolvi den importacion y exportacion di droga.

    E resultado tabata uno sumamente positivo. Despues di a vigila e grupo aki pa algun dia caba a yega momento pa actua.

Esey a sosode cu miembronan di cuerpo policial mes unda tabata envolvi Team di Aresto, Unidad di Seccion Crimen Organiza cu ta lidera e caso, Polisnan cu e cachonan, Cuerpo Tecnico, Polis Maritimo y tambe varios polis cu a reforza e team pa e caso aki.

    E prome detencion tabata na diferente adres y riba caya simultaneamente. E team di aresto a haci varios di e detencionnan riba tera mientras cu polis maritimo a para un sospechoso D.L. cu tabata yegando banda di cas di gobernador na Playa cu e boto “No Worry”.

    A pone drumi plat den e boto y bay over na su detencion. A bay cu e boto den waf caminda a pasa e sospechoso pa e team di aresto cu a hibe warda.

    En total tabata cuater detencion y na final a saca e boto y confisca esaki hunto cu e auto. E investigacion a sigui pasobra e agentenan acompaña pa fiscal y huez comisario a bay tambe na e adresnan unda e hendenan aki lo ta kedando.

     Den Driemasterstraat a pone man riba varios kilo di droga. A confisca matanan di marihuana. E droga haya den e cas ta loke e agentenan anti droga tabata buscando y a haye tambe pasobra ta parti di e investigacion cu nan tabata haciendo. Despues a bay na cas di e sospechoso D.L. kenda tabata sera pa droga na mas cu un ocasion y awor a bolbe cay den e boto yegando tera. E ta bibando na Esmeralda den e area di Westpunt.

    A listra den e caso y dos auto confiscando varios articulo entre otro laptop. E pareha di e sospechoso aki tabata tey ora cu polisnan a saca e boto, el a bay warda di polis pa busca drechi y tambe tabata na e cas na Esmeralda ora cu e agentenan tabata bezig.

    Saliendo di e adres na Esmeralda a bay tambe na un apartamento na Pos Abao y a listra esaki. Eynan no tabata tin mucho cos. E doño a worde yama pa bin kita e scharnier di porta pa nan drenta. Tambe a bay na un adres na Kini Kinistraat unda a listra un cas.

     E investigacion no a termina pasobra ainda falta hende pa keda deteni. E netwerk di e grupo aki ta basta amplio y nan tabata meti den e transaccionnan pisa cu tabata tumando lugar riba nos isla.

    Nan tabata move tur manera pa gana placa sin traha door di ta meti den droga. Awor nan number a hunga despues cu nos mesun polisnan hunto cu e departamento di droga a soluciona un caso grandi aki y kita e criminalnan aki pa algun tempo for di caya.

- Advertisement -

DUNA COMENTARIO

Please enter your comment!
Please enter your name here