Home Politica Standard & Poor’s a desbarata tur e ponencianan negativo cu partido MEP...

Standard & Poor’s a desbarata tur e ponencianan negativo cu partido MEP ta pone pa nos pais

1
0
SHARE
- Advertisement -

Parlamentario Donny Rasmijn-AVP

ORANJESTAD (AAN): Un biaha mas nos ta wak cu partido MEP no ta haya rason ora ta trata di desaroyo economico y stabilidad financiero d y nos pais. Tur dia nan ta bin cu ponencianan negativo riba e situacion di nos pais mientras cu Aruba ta keda briya manera un perla internacionalmente.

   November aña pasa Standard & Poor’s (S&P) a evalua e situacion economico y financiero di nos pais pa 2012 y nan a subi nos rating for di negative outlook pa stable outlook. E rating positivo aki tabata danki na e crecemento economico di mas di 10% cu nos pais a experiencia aña pasa.

Esaki ta danki na e crecemento den turismo y continuacion di produccion di refineria di Valero. Riba e parti financiero, gobierno di Aruba a haci cambionan dificil pero si indespensabel  pa garantisa fondonan manera APFA, AOV, AZV y SVb.

  E cambionan aki mester a worde haci for di aña 2005 caba pero gobierno anterior no por a logra esakinan pasobra nan no por a sinta na mesa y dialoga cu clero comercial y sindical pa nan haya un sosten completo pa haci tal. Gobierno actual si a logra pa trece e gremionan na mesa y acorda diferente cambionan positivo pa nos pais. E cambio cu a demostra cu e gobierno actual tin nos pais na pecho ta esun di Pensioen di Parlamentarionan y Ministernan. Promer cu aña 2011, un Minister ta haya su placa di pensioen na edad di 45 aña caba y un Parlamentario ta haya cu 50 aña. Ademas di esey nan por a acumula e pensioennan. “Partido AVP semper a expresa cu mandatarionan mester haya pensioen na 60 aña mescos cu tur hende na Aruba y mi ta contento cu nos a logra esey tambe unda cu millones di Florin di nos pueblo a worde gespaar”, Rasmijn ta bisa. E cambio aki a demostra cu Gobierno di Aruba ta un Gobierno di confianza. Pa salvaguardia e fondonan ya menciona, e cambionan importante a worde haci. S&P a reconoce e trabao grandi y serio di nos Gobierno y a subi nos rating. Pero cuminsamento di e aña aki e refineria a haye ta stop produccion atrobe door cu e margennan tabata negativo unda cu e refineria tabata perde miyones di Dollars pa dia.  door cu e refineria ta un pilar grandi pa nos economia, S&P a haya necesario pa re-evalua e rating di nos pais. Durante nan evaluacion nan a wak cu a pesar cu e refineria no ta produciendo, tog nos economia a subi cu 7% compara cu aña pasa. Y door di e inversionnan grandi di Gobierno, hopi personanan cu tabata traha como contratista den e refineria a haya trabao di biaha den construccion. “Finalmente nos re-evaluacion a keda mescos cu na november aña pasa pasobra nan a wak cu nos pais su economia ta sigui crece y especialmente den turismo”. Tambe S&P ta reconoce cu e plannan cu Gobierno tin pa largo plazo, especialmente door di focus riba energia alternativo, trece gas natural pa nos pais y restart e refineria. Mester bisa cu S&P ta un instituto reconoci y respetabel mundialmente. Tin tres instituto grandi cu ta importante pa rating di un pais. Nan ta S&P, Moody’s y Fitch rating. S&P ta rate 40% di paisnan mundial mientras cu Fitch ta haci 17%. “E institutonan aki, cu tin hopi credibilidad, ta haci e ratingnan mundialmente unda cu nan ta conseha banconan y inversionistanan ora nan mester fia of inverti den un pais. Sin un bon rating, un pais no ta haya placa fia na un interes abou y tambe lo no haya inversionistanan internacional ni local.

   Cu e rating aki S&P a desbarata tur e ponencianan negativo atrobe di partido MEP cu ta desea cosnan malo so pa nos pais solamente pa haci politica”, Donny Rasmijn ta reitira durante di su entrevista.

- Advertisement -

DUNA COMENTARIO

Please enter your comment!
Please enter your name here