Home Hudicial Tin hopi punto cu huez a duna Ricky Croes razon

Tin hopi punto cu huez a duna Ricky Croes razon

0
0
SHARE
- Advertisement -

Abogado mr. Lejuez den e caso di Lotto pa Deporte:

ORANJESTAD(AAN):Abogado Lejuez tabata e abogado di Sr. Ricky Croes, ex director financiero di Lotto pa Deporte. Den un entrevista e abogado a comenta cu dos aña pasa el’a worde suspendi. despues Lotto a pidi permiso na hues pa termina e relacion laboral.

Hues a termin’e tambe. El’a duna un compensacion na Sr. Croes. Awor aki, a base di e contract laboral cu e tin, cu tin un stipulacion cu ta bisa cu si Lotto termina e contracto laboral, Lotto tin cu paga cierto compensacion na Sr. Croes. Sinembargo Lotto no a paga. Lotto ta di opinion cu nan no mester paga e compensacion ey.

Pa Sr. Croes, abogado Lejuez a entrega un caso den corte aña pasa y awor aki hues a bin cu decision rib’e caso. E decision ta cu na final hues no a duna Sr. Croes rason. E ta haya cu e circunstancianan di e caso ta Sali na fabor di Lotto y Lotto no tin nodo di cumpli cu e stipulacion di paga un compensacion na Sr. Croes.

Locual cu abogado Lejuez a haya straño den e caso aki ta cu riba hopi punto a haya rason di huez. E hecho unda cu a trece padilanti, bisando huez cu tin di e 9 argumentonan cu Lotto a uza pa termina e relacion cu Sr. Croes, hues a rechasa 6. Sinembargo e huez ta haya cu tin asina mes e culpa di e terminacion final aki ta mas pa cuenta di Sr. Croes cu pa cuenta di Lotto. P’esey el’a nenga e compensacion.

Na final di e sentencia aki e not a bay haya nada. Hues a duna un compensacion den e prome caso, cu Lotto por a mantene Sr. Croes na trabao. No tabata tin e necesidad di kite. Sinembargo huez a bisa di e otro banda cu e culpa tabata pa mas pa Sr. Croes cu pa Lotto.

Segun e abogado, den e aspecto aki e huez no tabata consistente. Si acaso tabata tin e posibilidad pa mantene Sr. Croes na trabao, e no ta mira con por ta cu e tin mas culpa cu Lotto pa e motibo di e terminacion. Particularmente, si Lotto di antemano sa cu tin un circulacion ta bisa cu tin cu page cierto compensacion, e ora ey si tabata tin posibilidad pa tene na trabao, mester a tene na trabao. Of mester a core e riesgo of acepta cu ta bay paga e compensacion.

Den esey e abogado ta haya e hues den e caso aki, a tuma un decision basa riba argumentonan cu no ta bay bon cu otro, cu den su concepto ta contradeci otro y ta pa e motibo ey a recomenda Sr. Croes pa bay den apelacion cu e caso aki. Den e contract ta poni cu e compensacion aki nan a yam’e daño y perhuicio. Un schadeloos stelling. E otro compensacion no ta un daño y perhuicio. Esaki ta worde duna momento cu hues ta haya husto den un caso asina aki.

Den ontbinding no tin espacio pa apelacion, pero e caso aki no ta trata di un caso di ontbinding, pero mas bien un caso pa pidi compensacion cual segun contract cu tin cu doño di trabao, tin derecho riba dje. Loke a hunga den e caso di ontbinding, naturalmente ta hunga un papel eynan tambe, pero diferente.

 No ta e mesun caso, ta dos diferente caso. Den caso di ontbinding, no tin apelacion. P’esey Sr. Croes nunca por a apela e caso ey. Pero den caso aki si tin apelacion y e posibilidad ey mr. Lejuez a recomenda pa haci uzo di dje pasobra decision di hues, e argumentonan cu hues a uza den su caso, no ta consistente. Nan ta contradictorio y nan no ta cuadra cu locual cu mr. Lejuez ta haya den un caso asina. Hues no por basa su mes riba argumentonan cu no ta contradictorio.

Tin hopi tempo pa bay apelacion. Loke Sr. Croes ta desea ta pa Lotto reconoce cu e tabata tin den su contract un articulo cu ta bisa cu si kit’e for di trabao, e tin derecho riba un compensacion. Awor aki el’a worde practicamente kita for di trabao, pero e no a haya e compensacion ey. E 50mil no ta worde yama un compensacion, pero un vergoeding basa riba ley di labor cu ta toca e parti di ontbinding.

Den e contract ta poni cu si nan kit’e for di trabao tin derecho tin un compensacion igual na 5 aña di salario. Esey ta loke Sr. Croes ta buscando.

E motibo principal cu hues a bisa den e caso di ontbinding di Sr. Croes ta cu e ta haya cu e tabata mucho cera cu e directiva anterior. E ta haya cu e mester a tene un tiki mas distancia cu e directiva anterior. Por a pensa, por a spera cu ora bin un directiva nobo, si no tene suficiente distancia for di e directiva anterior, esey por worde contra dje. Esey ta locual cu e hues a haya, mr. Lejuez a termina bisando.

- Advertisement -

DUNA COMENTARIO

Please enter your comment!
Please enter your name here