Tres heroe di otro banda di lama a worde honra
ORANJESTAD (AAN): Ta poco Hulandes ta consiente cu durante Segunda Guera Mundial diferente Arubiano, Antiano y Surnameo activamente a lucha contra e invasornan Aleman.
Pesey Comité 4/5 mei Amsterdam Zuidoost a tuma e iniciativa pa organiza un exposicion cu pinturanan di tres heroe di otro banda di laman: Boy Ecury di Aruba, George Maduro di Curaçao y Anton de Kom di Surnam.
Tur tres heroe a bringa pa libertad di Hulanda, pero durante Segunda Guera Mundial nan a paga pa e acto heroico aki cu nan bida.
Den biblioteca di Amsterdam Zuidoost Minister di Enseñansa y Husticia mr. Arthur Dowers y Minister Plenipotenciario sr. Edwin Abath a haci e acto di apertura y a desvela un kuadra di e exposicion.
E kuadranan aki ta creaccion di e pintor Hulandes sr. Herman Morssink. Riba potret por mira Minister Arthur Dowers y Minister Plenipotenciario Edwin Abath ta aplaudi despues di a caba di desvela e kuadra di Boy Ecury.
