Un alumno di 13 aña ta traha su propio droga pa “snuif”
ORANJESTAD (AAN); Control y mas control ta masha importante na cas. Prome cu mucha na ta bay school kico ta costa pa controla contenido kico nan tin den su tas. E no tin nada di haber cu confianza sospechoso pero pa seguridad cu abo como mayor a tuma e iniciativa pa dia di mañan ningun hende apunta dede den bo direccion.
Diaranzon mainta trempan, polis a bay na un school na Oranjestad na unda e director ta sperando riba na yegada. Segun version di e director cu un alumno a worde descubri cu substancia “droga”.
Polis a constata cu ta trata di un of otro Thee multivitamine (oranje), y tambe varios pildora, esta loratadine 10 mg y vloei. Polis a papia cu e alumno di 13 aña y el a declara di a ricibi e substancia di su amiga 14 aña cu ta bishita un otro school.
E alumno di 13 aña a declara di ta herebe e thee y e pildonan ta haci nan puro y finalmente e ta snuif esaki.
Polis a constata cu comportacion di e criatura no ta normal. Parce e lo tin problema na cas, director a dicidi di suspende e alumno te na final di aña escolar y lo worde evalua si lo kite for di school.
Segun e version di polis nan a bay na e oficina Sostene Mi na unda a splica e problema di alumno encuestion y nan lo tuma contacto cu mama di e criatura aki y di parti di buro Sostene Mi e caso tin nan debido atencion.
Ta spera cu e amiga di e alumno aki worde localiza y atende debido no por exclui cu na final di e investigacion por yega na e esun cu ta ofrece bende e hobennan e tipo di droga cu ta caba cu nan cerebro den un corte tempo relativamente corto y cu e consecuencia di por keda un persona “inutil” den nos “sociedad”.
