Wit Gele Kruis a señala problema den casnan di anciano priva for di un tempo caba
ORANJESTAD(AAN): For di basta tempo caba Wit Gele Kruis a señala cu den cas di ancianonan priva tin cosnan iregular ta tuma lugar.
Esey ta segun director di Wit Gele Kruis, Sr. Gino Goeloe. Ta confrontando storianan cu ta bisa cu nos grandinan ta worde mara na stoel, na cama, tambe parti di alimentacion unda cu nan ta haya papa mainta, papa merdia y papa anochi.
Tambe cu e grandinan ta worde cambia un biaha pa dia, dus di mainta te anochi prome cu drumi, den e caso aki nan ta cambia nan bruki. Esey segun Sr. Goeloe a señala e problema aki un tempo pasa.
Wit Gele Kruis a bin publicamente cun’e y ta kere un biaha mas ta tende e casonan aki ta andando y p’esey Wit Gele Kruis cu ta para pa nos grandinan, pa duna nan un cuido cu nan tin derecho riba dje, pasobra segun Sr. Goeloe, como grandi, a traha duro pa e pais aki y tin derecho riba un cuido di calidad.
Den e caso aki ta bisa un cuido unda cu profesionalnan ta cuida mama of papa. Wit Gele Kruis ta percura pa duna un cuido di calidad halto na nos grandinan. Esey kiermen cu nos enfermeranan mes ta MBO opgeleid of HBO opgeleid.
Tin di nan cu ta asisti, eseynan tambe ta worde opgeleid riba niveau 3. Sr. Goeloe ta menciona cu enfermeria, cuido, no ta algo di hunga cun’e. Den e caso aki cu e casnan priva cu e sa, no tin profesional ta traha den nan, ta nan preocupacion ora cu mira cu grandinan ta worde cuida door di hendenan cu no sa kico ta cuido, kico ta enfermeria.
Esey ta e preocupacion di Wit Gele Kruis. No tin nada contra casnan priva, pero haci’e manera debe ser. Wit Gele Kruis mester cumpli cu cierto exigencianan di calidad y tambe cas di anciano SABA tambe mester cumpli cu e calidad di cuido.
Esey tambe ta kere cu e casnan priva aki tambe mester haya e calidad di servicio aki cu ta boga pe. Un biaha mas Wit Gele Kruis a spera e problema aki basta tempo pasa.
Sr. Goeloe ta contento cu tin un comision cu a worde forma. E comision aki ta existi di KvK, DOW, Brandweer, Salubridad Publico, Departamento di Asuntonan Social, tambe e departamento di ley di gobierno unda cu ta sintando caba pa di 2 biaha pa wak con por bin cu leynan pa e casnan di anciano priva. Tin cu menciona cu e reunionnan ta tumando luga y sigur sigur dentro di poco lo bay mira cu leynan ta worde poni riba papel y tambe asina aki por drenta den cas di ancianonan aki y exigi e calidad di servicio cu nan mester brinda na nos grandinan.
Pasobra si Wit Gele Kruis y SABA mester cumpli cu tur calidad di servicio, ta bisa tambe cu tur casnan priva cu kier duna cuido mester tambe worde controla y riba e calidad di servicio cu ta worde duna na nos grandinan. Esey ta un bon paso den e caso aki den combersacion, gobierno aunke cu a bin cu comision, unda cu e fundacionnan y departamentonan di gobierno ta sinta hunto awor aki pa bin cu ley.
MCY
Bon trabou Gino, di cuminsa raporta e abusonan aki riba dia Internacional Contra Abuso di Anciano. Un remarke: Ta un bon idea di embulcra e staff di e casnan priva aki tambe den e comision hunto cu e instancianan (gobernamental y Priva) menciona aki den e proceso di bini cu un ley y un miho cuido unda tur e stakeholdersnan tin mes un cantidad di derecho di palabra. Nos mester realisa cu e casnan priva awe tey pasobra esnan subsidia pa Gobierno awe, no por (a) cumpli cu e demanda. Corda si, cu e mes un forma cu esnan subsidia a pasa den e proceso di maramento, laga hende keda den nan desperdisio pa oranan largo, nutrición insuficiente, maramento mental y fisico, pago minimo di trahadornan, negligencia (por ehempel herida di cama of doorligwonden), etc. (cu tur ta cay bou ABUSO), e casnan priva awo ta den e proceso menciona den e articulo aki. Ta bon tambe cu e propio casnan di SABA y e servicio di WGK ta wordo controla y no solamente e casnan priva! Ademas, lo mester incorpora den e leynan cu TUR instancia, priva of no-priva, cu ta duna servicio di cuido na nos grandinan ta OBLIGA pa raporta cualkier incidente di maltrato di un anciano durante nan trabao (incluso Hospital). Esmas e inspecion na Aruba tambe mester actua riba cada incidente, sino no ta bale la pena pa bini cu ley cu no tin e inspecion necesario y cu ta cumpli cu e implementacion di esaki, a pie de la letra!