Evelin ta desviando di e tema
Parlamentario Clarisca Velasquez
ORANJESTAD(AAN)– Sra Evelin ta desviando di tema pasobra pueblo no ta interesa pa sa si Clarisca Velasquez por lesa vonnis si of no pero pueblo kier sa ki dia su famianan ta stop di cobra pueblo (gobierno) placa pa edificionan cu ta para bashi y cu ta un suma considerabel cu por a yuda 100 mucha cu placa pa nan por cumpra paña y material pa aña escolar nobo.
Cu e placa cu e ruman di Sra Evelin kier pa pueblo (gobierno) pagu’e gobierno por a haci hopi cos util pa nos comunidad.
Y awor a caso a bai corte pa nan haya e placa cu segun nan pueblo debe nan!
Gobierno ta drechando hopi edificionan cu e gobierno anterior a laga deteriora premedita pa asina stop di huur edificio cu ta costando nos pueblo hopi placa y e famia di sra Evelin a beneficia y enrikece di esaki y no por.
Awor e sra aki kier desvia di e tema real y bin cu “cheap shot” y purba bagatelisa Clarisca Velasquez cu e no por lesa vonnis pero e esencia di tur esaki ta e placa cu su ruman ta cobra nos pueblo y nan mester stop di cobra pasobra nos pueblo a paga hopi miyones caba durante tur e 8 añanan cu Mep tabata na mando.
Pesey ta haci apelacion na Evelin pa e papia cu su famia pa stop su ruman y famia di cobra pueblo pa placa cu nan no tin moral
pa cobra pueblo pasobra ya nan a bira rico riba custia di pueblo y gobierno a manda bisa e famia cu nan no mester di edificionan mas ya cu nan a drecha edificionan di gobierno mes pa instala su departamentonan!
