Aanleunwoning pa hendenan cu ta yega cierto edad
Segun Minister Hooyboer Winklaar,
ta parti di servicio y opcion pa esnan cu tin mester di cierto cuido special.
ORANJESTAD(AAN): Durante un conferencia di prensa relaciona cu apertura di casitanan pa nos grandinan, Minister di Asuntonan Social Michelle Hooyboer Winklaar a hiba palabra.
El a bisa cu recientemente SABA a cumpli 40 aña di existencia y awor bo ta mira un otro fase cu nos ta drentando aden, segun e mandatario.
El a sigui bisa cu nan no ta bay duna solamente un ampliacion di servicio, sino tambe nan ta tene cuenta cu e pensamento cu no ta tur hende ta desaroya mescos den nan bida.
Tin hende cu ta yega un cierto edad y nan mester di cierto tipo di ayudo y cuido, mientras cu tin otro hendenan cu tin mester di algo otro.
Esey ta e pensamento tras di e asina yama ‘Aanleun woning’, cu nos tin cu brinda servicio y opcionnan pa personanan cu ta yega na un cierto edad, pa cu e otro tipo di cuido.
“Algo mas independiente, semi independiente y toch ta duna un servicio cu nan por conta riba dje, cu ta hopi estable y ta duna nan un feeling di seguridad”, segun Minister Hooyboer Winklaar.
