Carolina a luci ‘Solo by Ronchi’ durante entrevista cu Prince Royce
Introduciendo un liña completamente nobo y unico
ORANJESTAD (AAN): Un concierto cu sigur lo hala hopi atencion di diferente edad y genero, t’esun di Prince Royce, cu ta internacionalmente conoci pa su exitonan y presentacionnan impresionante. Durante un entrevista cu Prince Royce, haci pa Modelo y Host Internacional Carolina Albertsz, Carolina a luci espectacular den e fashion label nobo “SOLO BY RONCHI” di e diseñador renombra y indiscutibel talento local, esta Ronchi de Cuba.
E diseñador local ya ta hopi conoci pa su tremendo gusto, diseño, variedad y prijs di su pañanan y awo a lansa e liña nobo, SOLO BY RONCHI, cu ta un label “budget fashion girl on the go” cu ta trece dilanti “party wear” na e prijsnan rasonabel, cu ta obtenibel unicamente na TRASH BY RONCHI.
SOLO BY RONCHI ta un concepto di Ronchi de Cuba, diseña pa su persona pa tur e hende muhenan cu kier luci na moda na tur ocasion. E ta consisti di e colornan di e coleccion, cu ta inspira pa diferente persona of pais. E label ta presenta den “mini groups” y cada “mini group” tin su propio inspiracion.
Durante e entrevista, Carolina a luci den un bisti estilo “one shoulder body hugging dress” di e mini group “runway athletic”. E mini group aki ta basa riba inspiracion pa e atletanan, cu kier un “fashion twist” den nan vestuario. Di e forma aki, Trash By Ronchi ta lansa otro coleccion espectacular y unico pa tur e damanan na Aruba luci fabuloso y sinti nan mes un berdadero diva.
