Home General Concepto Aanleun woning ta concepto nobo pa Aruba

Concepto Aanleun woning ta concepto nobo pa Aruba

0
0
SHARE
- Advertisement -

segun locatie manager di Huize Maris Stella Sra. Flora de Bie Groeneveld

ORANJESTAD(AAN): Sra. Flora de Bie Groeneveld, locatie manager di Maris Stella a hiba palabra durante un conferencia di prensa relaciona cu apertura di e casitanan pa anciano.

El a bisa cu e ta contento cu e hecho cu e Minister a bishita Maris Stella diferente biaha y cu e tin un bon curazon pa nos grandinan.

Sra. de Bie tin 20 aña ta traha pa Maris Stella y e tabata presente ora cu e tempo ey nan a pone prome piedra pa e asina yama ‘Aanleun woningen’.

El a sigui bisa cu a tuma hopi aña prome cu e proyecto a wordo realiza manera cu e mester ta.

“Awor e momento a yega cu e proyecto ta manera cu e mester ta y nos tin un grupo di hende cu tin mester di un ‘opvang’ na unda algun dia nan tin mester di tiki ayudo”.

“Tin tambe hendenan cu ta socialmente un tiki nan so y nan tin mester di divertimento y actividad, pasobra nan ta sinti nan mes nan so.”.

Esaki segun sra Groeneveld kende a sigui bisa cu Maris Stella ta brinda e servicio ey den diferente actividad.

El a sigui bisa  cu e concepto di Aanleun woning ta un concepto nobo pa Aruba pasobra na Aruba nos no tin un concepto asina ainda.

Door di esaki e ta algo door di cual esnan cu ta bay ta den e casnan, ta bay tin mester di hopi informacion pa nan por biba nan bida priva den nan cas, mientras cu nan ta haya ayudo tambe pa loke ta hasi e cas limpi, cushina y labamento di paña etc.

Tin cu tin mester di menos y tin mester di mas ayudo.

Segun sra. Groeneveld, ta importante pa sigui monitor y wak con cos ta cana.

El a sigui bisa cu el a nota cu e habitantenan di e cas ta bira hopi contento cu nan cas.

Nan ta wordo cuida y nan ta sinti cu ora cu tin un problema, nan tin ayudo mesora.

“Nos personal ta haya e tarea tambe di papia cu e hendenan y guia nan”, segun sra. Groeneveld.

- Advertisement -

DUNA COMENTARIO

Please enter your comment!
Please enter your name here