Home Policial Contrabando miyonario di licor y cigaria procedente di Aruba confisca na Riohacha

Contrabando miyonario di licor y cigaria procedente di Aruba confisca na Riohacha

0
0
SHARE
- Advertisement -

ORANJESTAD (AAN):  Un cantidad di 18 mil boter di licor di diferente marca y 66 mil caha di cigaria Mexicano, tabata pa drenta na Riohacha, Colombia, procedente for di Aruba, segun declaracion di autoridadnan di e lugar.

Esaki a sosode ayera diaranzon y ta worde calcula cu e tin un costo di un miyon Florin (mil miyon di pesos).

      Esaki ta e cargamento mas grandi di contrabando cu a worde confisca, y cu tabata scondi den dos boto procedente di Aruba pa Puerto Nuevo na La Guajira.

      E botonan a worde para na lama na haltura di Bahia Portete, y e capitan di un boto a keda deteni y pa e delito di contrabando e por haya te siete aña di prison.

      Segun autoridadnan tras di e contrabando aki por tin envolvi e banda criminal conoci como esun di zona norte y participacion directo of indirecto di e grupo Los Urabeños, cu ta domina e region aki pa loke ta trafico di droga y crimen.

     Mas o menos 59 miyon Florin, den peso Colombiano, di productonan procedente di contrabando a worde confisca caba den transcurso di e lunanan cu a transcuri te cu awor, di 2012.

- Advertisement -

DUNA COMENTARIO

Please enter your comment!
Please enter your name here