Home Evenemento Dia 25 di Juli pueblo ta bay celebra en grandi cu Hubert...

Dia 25 di Juli pueblo ta bay celebra en grandi cu Hubert Lio Booi

1
0
SHARE
- Advertisement -

ORANJESTAD(AAN): Un baluarte grandi pa cultura di Aruba ta bay cumpli 93 aña dia 25 di Juli y un comision special a organiza un dia hopi special pe.

Ta trata di e Boneriano Hubert Lio Booi kende a compone himno nacional di Boneiro y tin decenas di  aña ta biba na Aruba.

Durante un conferencia di prensa Percey Jean d’Or kende ta miembro di e comision, a bisa cu for di tempo cu a cuminza cu e idea pa organiza e fiesta pa Padu Lampe, a bin tambe e idea pa hasi algo pa Lio Booi tambe.

Tur hende a uni y awor pueblo ta bay haya e oportunidad di reconoce y celebra cu un Boneriano kende a bira mas Arubiano cu e ta Boneriano, segun Jean d’Or.

Pa e atardi y anochi e comision a pidi DOW y Polis pa coopera y cera e caminda y nan ta bay hasi esaki.

Asina por duna e persona aki tur e honor y alegria.

“ Mihor awor cu e ta na bida, cu despues ora cu e no tey mas”, segun Jean d’Or.

El a splica cu varios agrupacion ta bay presenta cancionnan di Lio Booi riba e anochi special.

De Trupialen cu Booi a traha cune pa hopi aña, tambe ta bay participa riba e anochi special aki.

- Advertisement -

DUNA COMENTARIO

Please enter your comment!
Please enter your name here