El Gaucho Restaurant ta Conta cu un Imagen Nobo
Trinticinco Aña di Hospitalidad
ORANJESTAD (AAN): Bishitantenan cu ta drenta pa come nan cena na El Gaucho restaurant lo ripara e cambio di biaha! E color di exterior di e restaurant, sirbiendo e steaknan mas grandi y mas miho desde 1977, a worde cambia. Recientemente e murayanan a worde pinta di nobo cu varios tono di blou, cualnan a worde inspira pa e bandera Argentino.
Portretnan bieu ta conta e storia di un grill house cu ta pertenece y maneha pa un solo famia, cual a habri den e tremendo Wilhelminastraat riba dia 17 di Februari, 1977, den e curason di Playa, un restaurant chikito y humilde cu ta dedica na steaknan Argentino di calidad.
Den transcurso di e añanan e restaurant a evolve, mehora y expande, y durante tur e tempo aki a sigui desaroya un grupo di fanatico fiel cu ta consisti di hendenan local y bishitantenan di afo.
E secreto di e storia di exito di El Gaucho? No tin un secreto, djis bon maneho y miembronan di staff cu a traha incansablemente y consistentemente a sirbi mas di tres generacion di amante di carni.
Awendia, na e ubicacion original, e restaurant ta prepara un variedad di platonan delicioso, steaknan jugoso y tierno prepara riba un grill di carbon, manera e famoso Gaucho steak, un sirloin di 16 ons, of e Pincho Torro Caliente – e shishkebab mas grandi na mundo, e T-bone steak, e veal chop, hasta cuminda di lama fresco, lobster y hopi mas.
Cualkier dia di siman, mientras cu bo ta saborea bo Churrasco cu ta prepara perfectamente riba e grill, un duo ambulante di guitarista ta entretene cu tangonan y boleronan romantico.
Asina ta, pasa awenochi of cualkier anochi, e tradicion ta sigui biba den e sala di come rustico, mientras cu e miembronan di staff amabel di El Gaucho ta malcria y entretene bo…y e muchanan por hunga den un manera relaha den e Sala di Mucha, cu weganan di arcade, videonan di Disney, krijt y Lego, mientras cu nan mayornan ta disfruta di un cena keto, relahante y inolvidabel.
Ya cu e ta celebrando su di 35 cumpleaños, El Gaucho awo ta sirbiendo un Menu di Aniversario di varios plato, ofreciendo su platonan mas popular. Tambe e ta rifando un viahe gratis pa Argentina, cu tur gasto paga, entre su bishitantenan. E carchi ganador lo worde saca na December, kiermen pura y wak pa bo nomber ta inclui den e tombola.
