Home General Fenomeno di uitzendkracht lo wordo reglamenta via ley

Fenomeno di uitzendkracht lo wordo reglamenta via ley

2
0
SHARE
- Advertisement -

y esnan cu no ta cumpli lo ricibi sancionnan halto

ORANJESTAD(AAN)– Minister Oduber a indica cu no tin ningun problema pa cu e companianan di uitzendbureau cu ta haci e trabou di uitzending, cual mester ta un trabou temporario na momento cu por ehempel un hende bira malo of bay cu zwangerschapverlof. 

E problema ta sugeri na momento cu companianan tin mas cu 50% di nan trahadornan, por ehempel hotelnan grandi,  ta bini for di uitzendbureau, cual ta evita cu e dunador di trabou mester sera un contract directo cu e empleado mes, a pesar cu nan tin añanan trahando via e uitzendbureau pa e compania ey.

Door di no firma contract directo cu un compania of hotel, e empleado ta wordo stroba di eherce su derecho di por ehempel haci un prestamo na banco pa un auto of un cas, algo cu ta stroba e desaroyo personal di cada persona.

Pa e motibo ey mes a prepara un concepto di ley cu mester bay Parlamento ainda pa reglamenta e uitzendbureau’s. Na e momentonan aki Aruba tin mas di 40 compania di uitzendkracht, unda cu tin varios ta traha solamente cu tin un cliente, mandando mas cu 200 empleado pa e cliente aki. “Esey no por, e ley nobo su spirito ta bisa, maximo un aña bo por tin un persona trahando  den un funcion temporal den e empresa”, Minister Otmar Oduber a duna di conoce.

Si Departamento di Labor controla y ripara cu e persona tin mas cu 12 luna den e mesun funcion trahando via uitzendbureau, e compania ta bay haya su mes den problema serio cu e ley nobo y sancionnan cu ta bin.

Na e momentonan aki Departamento di Labor ta constata cosnan robes, ta traha rapport, pero no por haci nada, pasobra ley no ta prescribi esaki.  Cu e ley nobo, por bin sancionnan grandi di te hasta 120 mil Florin.

E fenomeno aki a cuminsa 15 pa 20 aña pasa na un hotel specifico y awe e ta practicamente tur caminda, incluyendo companianan di Gobierno, y esaki ta algo cu no por continua, segun e mandatario a duna di conoce.

Minister Oduber a indica cu e filisofia di uitzend mester keda loka e la wordo traha pe, y cu e no por wordo usa como forma pa evita di duna un empleado un contracto fiho cu un compania.

- Advertisement -

DUNA COMENTARIO

Please enter your comment!
Please enter your name here