Home General Mester sacrifica Alto Vista djis pa 10% mas di energia berde?

Mester sacrifica Alto Vista djis pa 10% mas di energia berde?

0
1
SHARE
- Advertisement -

Grupo Save Alto Vista ta puntra

ORANJESTAD (AAN): E producion berdadero di energia di parke di turbina Vader Piet ta worde sumamente exahera.

Segun Vader Piet N.V. e parke di turbina por rindi un averaje di 18% di consumo di energia pa e sociedad Arubano, pero den realidad a worde demonstra cu prueba di WEB Aruba NV cu esaki ta solamente 10%-12% den subtotalidad.

   Awor mester inverti 140 million Dollar pa un segundo parke di turbina na Urirama y unda WEB mester inverti un 40 million Dollar extra pa infrastructura nobo y un bateria pa compensa pa variacionnan den output!

   Den e presentacion cu WEB a duna parlamento ta para cu WEB mag di rechasa 25% di energia produci door di Parke Urirama si esaki no ta bon pa balansa e energia den red (curtailment). Di e 12,5 MW production projecta pa Urirama lo resta solamente 9,4 MW, (kitando e 25% di e 12,5 MW) esaki ta ni 10% di e production di energia total produci pa WEB. Den e red, WEB ta indica, cu nan tin mester di e curtailment aki. Esei kiermen cu incluyendo parke di turbina Urirama hunto cu esun di Vader Piet, e cifra total di energia renobable ta bin riba un total si solamente 22% y no 40% manera gobierno ta publica hasta interantionalmente!

Y unda e electricidad ‘rechasa’ lo bay worde ‘gedumpt’? Acaso e lo worde laga los den terra? Esaki tambe lo por tin consequencianan devastador pa naturaleza.

   E red di electricidad Arubiano no ta connecta cu red international.

   Kico e 10% extra di energia ‘alternativo’ aki lo bay COSTA NOS?   • Efectonan negativo ariba salud di habitantenan di e vecindario. • E silencio sereno di Alto Vista. • E balor historico di e capilla.  • Destruccion di paisahe bunita cu turbinas di 140 m halto.  • Turistanan cu no kier bin mas.  • Defamacion dilugar cu balor archeologico unda Indianan pre-ceramico a worde haya dera, ( santana ) na Boca Urirama.  • Peliger pa parha, vleermuis y otro fauna?.  • Depreciacion di valor di casnan, apartamentonan y condominionan.

  A worde bisa na nos cu esaki ta un proyecto berde. Pero e ta berdadamente berde? Tin un diferencia entre energia berde y energia duradero! Urirama por ta un manera industrial pa genera energia berde, pero no sostenibel. Sostenibel

kiermen cu tin un balansa entre aspectonan social, ecologico y economico.

Esaki sigur no ta e caso!

   Proponentenan ta remarca riba e reducion di CO2, pero esaki ta solamente un

fragmento minisculo ariba e CO2 total cu pais Aruba ta genera, cu

relativamente ta un di esun mash halto na mundo!

   Y e ‘bateria’ cu mester buffer energia pa 15 minuut, ta ensera un edificio tamaño un veld di futbol, llena cu baterianan chikito den red cu otro, di dos piso halto! E substancia quimico den e baterian ta venenoso y mester worde reemplaza cada 6 pa 7 aña.

   Biento ta supla si na Aruba, pero saca energia di biento na Urirama no ta

‘gratis’. E costonan real ta demasiado halto. Aruba ta dispuesto pa

paga esaki?

- Advertisement -

1 COMMENT

  1. Tin solamente un paar di persona cu ta probecha di e projecto nan aki. Interncionalmente e projecto na di turbina ta wordu cancella door cu e resultado na no ta rendable manera ta wordu publica. Diario mester find out ken e hende nan ta cu kier probecha di placa di pueblo. Cuwinsa un investigacion anto habri e beerput pa pueblo hanja sa kiko e berdad ta.

DUNA COMENTARIO

Please enter your comment!
Please enter your name here