Home Politica Minister Otmar Oduber ta mira crecemento den turismo for di mercado Americano...

Minister Otmar Oduber ta mira crecemento den turismo for di mercado Americano pa aña 2013

0
0
SHARE
- Advertisement -

ORANJESTAD(AAN)–Dialuna mainta durante rueda di prensa Minister Otmar Oduber a papia riba desaroyonan cu turismo proveniente di Merca ta pasando aden.

Siman pasa e mandatario tabata di bishita na New York unda cu el a reuni cu e 5 partnernan nobo di Aruba.  Cual tabata entre otro e companianan di publicidad, promocion, encarga cu e parti digital y di web,  como tambe e director nobo di Merca y a dialoga riba e desaroyonan di turismo den e mercado Americano.

E mercado Latino Americano y Europeo ta mirando desaroyonan extremadamente grandi, pero debi na e desaroyonan lento den e mercado Americano, Aruba ta mira crecemento cu ta core den e cifranan di 1 pa 5% so, cual ta spera di lo wordo surpasa den e siguiente lunanan. 

Despues di a dialoga cu tur e representantenan na New York y mirando e fondo adicional cu ATA a ricibi e aña aki y lo sigui ricibi, Minister Oduber ta convenci cu aña 2013 lo mustra resultadonan positivo pa e mercado Americano.

Aruba ta mustra di ta  bon estableci den e mercado y cu e interes pa pais Aruba ta uno sumamente grandi, unda cu Delta Airlines hasta mester aumenta nan vuelo semanal pa un vuelo diario.

Minister Oduber a expresa di ta sumamente contento cu e encuentro na New York, unda  cu a pone comoe  meta  un crecemento di 1.5% pa e mercado Mericano.

- Advertisement -

DUNA COMENTARIO

Please enter your comment!
Please enter your name here