Home General Pacient ta urina sanger pa mas cu dos luna caba y...

Pacient ta urina sanger pa mas cu dos luna caba y e ta sin atencion pa su problema!

8
0
SHARE
- Advertisement -

 

Debi na pleitamento entre dos urologo?

ORANJESTAD (AAN) – DIARIO a ricibi bishita di un pacient cu mas cu dos luna pasa a wordo opera pa un urologo, pero te dia di awe su condicion no a mehora y tur dia ta urina sanger.

Testnan di laboratorio ta mustra cu e tin un infeccion sumamente severo, y cada bez e ta bay docter di cas cu ta dune antibiotica, pero ta parce cu esaki no ta yuda tampoco. Na dado momento e ta sinti su mes obliga di bay docter na warda, ken ta cambia e antibiotico, sin cu e ta haya alivio.

Ultimamente el a dicidi bay Poli, cu e resultado di e testnan di laboratorio. Akinan nan ta purba trate, y como cu su urologo ta cu vacacion nan a yama e urologo cu tin mas aña eherciendo e profesion aki, na Aruba. Tristemente e ta nenga di atende e pacient pasobra e ta bayendo e otro specialista, y e no ta tuma su pacientnan.

Tin un impresion serio cu tin “pleitamento” entre e dos urologonan cu ta comparti e mesun edificio, por cierto, unda nan tin nan respectivo oficina.

E pacient mientras tanto ta sigui bay atras y si e tabata tin e posibilidad di bay afo e lo a hacie caba, pero lamentablemente e no tin e recursonan financiero pa esaki.

No por ta asina cu e salud di pacient ta den wega pasobra dos profesional tin friccion cu otro, y un no ta tuma pacientnan di e otro. Na unda e huramento di Hipocrates cu docternan ta haci ora nan ta huramenta cu ta pa haci tur esfuerzo pa scapa bida nan a studia y gradua? Pa colmo na Aruba no tin mas urologo, anto e pregunta ta, cerca ken e pacient aki por bay tanten? Un persona cu ta urina sanger puro y cu e testnan di laboratorio mes ta mustra cu su situacion ta hopi delicado, no por wordo neglisha na e manera aki y ta spera cu AZV tuma nota di e denuncia aki.

E pacient a trece copia di un nota cu e docter a pone riba e sinopsis na Eerste Hulp. E ta papia pa su mes.

- Advertisement -

DUNA COMENTARIO

Please enter your comment!
Please enter your name here