Home Policial Polis a rescata curpa sin bida di turista cu a cay hoga...

Polis a rescata curpa sin bida di turista cu a cay hoga for di yate

1
0
SHARE
- Advertisement -

ORANJESTAD (AAN): Diaranzon mainta tabatin tiki awacero cu a basha na Playa, pero despues di esey ta djis solo a sali y kima bay goal.

   Un Turista masculino kende tabata hospeda na Tropicana Resort, a bay riba un expedicion di Diving abordo di Catamaran.

   Nan a ancra pazuid di Renaissance Island, y despues di un rato nan a sinti falta di e Diver aki.

   Mesora a core bati alarma na tanto Aruba Ports Authority como tambe Polis.  Aki ta unda nan a pone Polis Maritimo mesora na altura.

   Polis a cuminza haya mas detaye, y a compronde di esnan di e Catamaran di Red Sail Sports, cu e persona cu tabata dive hunto cu e turista, a perde for di bista.

   Helicopter di Polis tambe a cuminza bula, y yuda cu e buskeda.  Despues di un rato el a worde localiza ta drief den e mangelnan, y e boto di Polis Maritimo a yega, y a saca e curpa cu ya no tabata duna señal di bida.

   Nan a bay cune na Waf di Playa, unda el a worde hisa na tera.

   Docter a constata morto di e turista Paul Gold, y Fiscal a confisca e curpa, y e equipo di diving, pa practica autopsia riba dje, y haya sa kico a socede.

   Tin hopi hipotesis aki, kizas el a bira malo, of algo a bay malo cu e equipo.

   Na famia di fayecido ta bay palabranan di condolencia.

- Advertisement -

DUNA COMENTARIO

Please enter your comment!
Please enter your name here