Home Hudicial Polis ta buscando testigo di accidente fatal

Polis ta buscando testigo di accidente fatal

0
0
SHARE
- Advertisement -

ORANJESTAD (AAN): Relaciona cu e accidente fatal di Diadomingo atardi na haltura di Roccoco Plaza, ainda polis ta buscando e chauffeur cu supuestamente lo mester a causa e accidente fatal door di no duna preferencia na e victima riba e vehiculo ATV, esta “Quad Racer”.

   Departamento di trafico ta buscando e chauffeur di pick up blanco, debi cu informacion cu nan a haya na e lugar di accidente ta conflictivo.  Un hende a bisa cu e ta un Chevrolet S-10, otro ta bisa Ford F-150.

   Un testigo a bisa cu tin 1 hende den e vehiculo, otro ta bisa 2 hende den e pick up.

   Loke si ta cuadra den e declaracionnan di e testigonan ta e descripcion di e chauffeur:  E ta un homber color bruin, cabey rasta, cu tatuahe na curpa, y e tabata stuur e Pickup blanco.

   Cualkier hende eybanda cu por tin hasta videocamera na cas ta graba 24 ora pa dia, y cu tin bista pa caminda, por fabor revisa e video pa haya mas detaye.

   Polis ta pidi cualkier persona cu por sa algo pa yama tiplijn duna informacion anonimamente 11141 of yama central di polis na 100.

   Tambe por manda nan un tip via facebook na “Prevencion di Crimen” of e-mail na jclarmonie@kparuba.com.

- Advertisement -

DUNA COMENTARIO

Please enter your comment!
Please enter your name here