Diadomingo awor
ORANJESTAD (AAN): E rumor a core rond manera un vlam di candela! El a worde confirma tambe! E gran actriz y cantante di Venezuela, Sheryl Rubio, lo ta na Aruba!
Diadomingo awor lo tuma lugar e certamen di Miss Teen Aruba International 2012 den Renaissance Convention Center cuminsando pa 8or .
GLW Foundation ta contento di por conta cu un grupo di huradonan local pero tambe international cu ta mustra nan interes den e certamen aki ! E aña aki nos ta conta cu huradonan di Curaçao , Venezuela , Portugal y naturalmente di Aruba mes . E conteo y documentacion a keda na encargo di Price Waterhouse Coopers.
For di Portugal nos tin Andre Costa un hoben naci na Braganca y tin 23 aña di edad . Semper el a practica deporte y desde chiquito su soño tabata pa bira un dokter of dentista , pero cu su 19 aña el a haya mas interes den e area di sport.
Na 2011 el a caba cu su curso di Intructor di Pilates y desde e tempo ey e ta traha na Real Spa Health Club na Albufeira . Na December 2011 , el a representa Portugal na Istanbul Turkia den Best Model of The World , unda mas cu 45 pais a participa , unda el a gana e premio di “Best Face” .
Andre a gana tambe e premio di Mister Handsome Portugal 2012 , unda el a representa Portugal na Republica Dominicana y a gana e titulo maximo di Mr Handsome International mas a bay cu e premionan Best Natural Smile , Mr. Personality y Mr. International Face of The Year .
Otro miembro di Hurado ta bini for di hermana isla Curaçao …. Christel Willems a nase na Zoetermeer, Hulanda dia 13 February 1995 , e tin 17 aña di edad.
Cu 2 aña el a bin biba huntu ku su mayornan na Korsou. el a cuminsa modela cu 2 aña di edad , Desde e tempo ey el a sa di modela den diferente mode shownan local y tambe a representa Curaçao varios biaha riba e nivel international … Christel a representa Korsou na Republica Dominicana y el a konkista e titulonan di Mini Caribe International y mas elegante.
Na 2005 el a representa Korsou na Quayaquil, Ecuador den e concurso di Little Miss Universe y el a konkista e titulo di 2da finalista. na 2010 el a representa korsou na Houston, texas, USA, na Miss Teen World. Christal na un edad di 10 aña tabata tin su propio show di Radio pa 2 aña “Ora Hubenil ku Christel Willems”, tur djasabra atradi. . Tambe e tbt presentadora di e programma hubenil na Tele Curacao ku yama “Enid pa Mucha”. tambe tbt un programma semanal. Los ku e tbt presentadora di su programa na radio y televishon, Christel ta un hoben ku a balia hopi den exterior, manera na televishon venesolana VTV den e programa MUNDO DE SUENOS, el a balia bailenan folkloriko.
Tambe el a balia salsa y flamenco tanto na Aruba, Bonaire, republica Dominicana, Venezuela.
Na 2011 el a tuma e inisiativa pa kuminsa ku su propio modelschool kual yama Crystal Modelschool.
Nos otro miembro di hurado ta di Venezuela ta yega tambe e hoben actriz y cantante Sheryl Rubio Rojas naci riba 2 8 de diciembre de 1992 , pues tin 20 aña di edad . Sheryl ta masha conoci pa su rol como Sheryl mes de e serie venezolano “ Somos Tu y Yo” y tambe “Un Nuevo Dia” unda e ta comparti credito cu artistanan manera Victor Drija , Rosmery Marval y Aran de las Casas .
