Home General Total Control Street Concerts lo ta e evento mas grandi di vakantie

Total Control Street Concerts lo ta e evento mas grandi di vakantie

1
0
SHARE
- Advertisement -

Diasabra awor den Weststraat

ORANJESTAD (AAN): Exide music Aruba ta celebrando su 10 aña di aniversario organizando eventonan y conciertonan exitoso riba nos dushi isla Aruba.

En conneccion cu esaki Exide Music ta organizando un mega evento dia 7 di juli 2012.

   E mega evento aki ta hiba e nomber “TOTAL CONTROL STREET CONCERTS” y  lo será e caya completo den e hotzone di Weststraat, Oranjestad.

E concepto di e evento aki ta similar na algún otro cu a yega di ser organiza den pasado (Ghosttown, Green City) cual a tuma  lugar den e mesun caya aki. Unda cu lo tin 3 diferente esenario cu 3 diferente ambiente y tur e mihor bandanan y dj’s di Aruba di tur genero.

   Diferente artista internacional cu lo tey riba tur tres esenario pa asina entretene e multitud di fanaticonan cu lo tey presente. Durante e rueda di prensa cu a tuma lugar den Wong sheung wong restaurant e organizadornan a splica henter e setup di e evento grandi aki, cual lo ta di e siguiente forma.

   Esenario 1) Mainstage Urban/Dancehall : Artista internacional directamente for di Kingston Jamaica “The Energie God” “Father of the Dancehall” “The dancehall King” ELEPHANT MAN conosi mundialmente como e artista cu mas energia y mas grandi den e genero di dancehall. Exitonan grandi manera Signal the plane,Pon de river pon di bank, Willie bounce, Wine up y hopi exito mas. ELEPHANT MAN lo presenta riba e mainstage di Urban y Dancehall cu su banda completo y a priminti di kibra tur record di entretenimiento nunca antes visto riba Aruba. Tambe riba e stage aki e dj nr 1 den Urban Music “DJ WAXFIEND” for di hulanda. Support local acts Youth Extreme, Biggy Boy & Upgrade Music, Los Transformerz, DJ Vibes y DJ woods (Exide music) y sin lubida Mikes Disco.

Esenario 2) Latin/Carribean Stage: Tsunami, D-licious, , Prive, Banda Esquema y local dj’s manera DJ Spike y DJ Negro(Exide music), DJ 101 (Cool pro dj’s) .

Esenario 3) House/Electro Stage: Lo tin un international superstar “DJ FELLOW” cual ta e productor di e tema “Kibra e Loga” di e grupo “Basic One” e dj aki a toka hopi festivalnan grandi na Hulanda y ultimo tabata e main act na e evento di green Village na San nicolas y local dj’s Theo Sanders (I love Muzika & The House Mob), Big Rig (Cool pro dj’s) , Kristian D y  DJ Yeimi.

E reaccion pa e evento aki ta super grandi caarchinan ta bayendo super lihe y ta optenibel na Valero Boulevard, Valero essoville, Valero Palm beach, Cd’s & more y Wong sheung wong Restaurant den prebenta pa unicamente 35 Florin y na porta si resta esaki lo ta mas caro. Dus ja bosa 7 di Juli “Total Control Street Concerts”  lo ta gigantesco den Weststraat.

- Advertisement -

DUNA COMENTARIO

Please enter your comment!
Please enter your name here