Adapta ley di “landloperij” pa usa contra chollernan
ORANJESTAD.(AAN); Un simpel adaptacion di ley por duna polis autorizacion pa detene y hiba Centro Dakota of na Seroe Colorado , chollernan cu ta circula y stroba orden publico y ta molestia ciudadanonan .
Tin un ley cu yama “Landloperij” cual por wordo uza segun sugerencia ricibi y si adapta esaki “djis un tiki” anto ta cla.
Lo no resta ningun choller mas riba caya, pero lo mester bay traha espacio y esaki ta nifica, amplia tur e centronan hasta pa mas personal.
E idea a surgi ora cu atrobe polis a bay atende asistencia solicita den Elleboog straat pa choller cu ta ocasiona molester.
Na yegada enberdad, segun e version, e choller ta cana rond masha mal bisti, pia abao y ta haci fastioso contra esnan den cercania. Polis a detene e choller di inicialnan K.A.L. di 43 aña y a atende debidamente y finalmente a core cune for di e sitio.
En corto “Probleem Opgelost”. Pero ora e patruya sigui, e mesun problema a continua. Central di polis por confirma e tantisimo yamada cu ta drenta di casi tur distrito riba e situacion di choller y tur dia ta bin mas cara nobo acerca. Palabra na parlamentarionan ta pa laga hurista nan adapta e ley y presenta esaki na parlamento pa tur 21 vota “voor”.
