Bunita empuhe di Rainbow for Girls di Aruba
Na Michigan
ORANJESTAD (AAN): E asina yama “International Order of the Rainbow for Girls” ta e unico club hubenil cu ta educa e hobennan loke ta di mas importante, esta liderato, confianza, papia den publico, y e importancia di amor, religion, naturaleza, fidelidad, patriotismo, y con pa ta bon ehemplo pa comunidad.
Tur dia rond mundo, miles di mucha muher ta reuni pa asina pasa pret, comparti, y yuda den nan crecimento pa asina nan haya mihor forma di compronde con pa yuda comunidad, y planea nan viahe pa bishita otro clubnan.
“The International of the Rainbow for Girls” ta un organisacion pa mucha muhe entre 11 y 21 aña di edad. Rainbow ta un organisacion internacional, tin Rainbow girls na e.o.: Australia, Merca, Brazil, Rumania, Canada, Alemania y Filipinas. Cada dos aña Rainbow girls rond mundo ta bin hunto pa un convencion. E aña aki e convencion a tuma lugar na Grand Rapids, Michigan.
Tabata tin banda di 4.000 hende cu a acudi na e evenemento aki. Dos mucha muher di e 18 hende acudiendo tawata den e coro, mientras dos otro mucha muhe tawata tene e bandera halto.
Na Aruba, algo bunita ta cu e grupo di Rainbow for girls di Aruba ta spaar tabs cu bo ta haya riba bleki di bebida.
Nan a viaha cu nan recien pa Merca, y a entrega esaki na un represente y asina Rainbow International ta entregue na Shriners hospital.
