Edmund Olivio Dañe haya ta drief na altura di WEB
ORANJESTAD(AAN): Diabierna atardi pa mas of menos 2′or y 50 central di polis ta haya un yamada cu algun trahador, den e area di Barcadera a bin haya un homber ta drief den awa.
Mesora central ta manda patruya di Santa Cruz y polis maritimo na elugar y ta bin encontra un hende homber flotando y no ta duna senjal di bida.
Nan ta transporte cu boto pa waf di Barcadera unda cu Dr Lin ta constata morto door di hogamento di: Edmund Olivio Dañe naci na Aruba dia 16 di juli 1947 biba na Sombre 17.
Recherche , TOD y otro autoridadnan competente ta bay na elugar pa investigacion, pero no a haya ningun indicacion di un crimen ya cu ta parse cu e victima tabata bezig ta snorkel y a hoga.
Fiscal no a haya ta necesario pa tuma curpa den beslag. Slachtofferhulp di polis ta bezig ta dunando sosten na e famianan den e momentonan dificil aki. Di parti di Cuerpo Policial ta manda palabranan di condolencia na famia di e fayecido.
